“Beteja për KZAZ”/ Gjykata e Apelit Shkodër liron 5 të akuzuarit

Ajo që ndodhi në KZAZ numër 3 në Shkodër në prag të zgjedhjeve të 30 Qershorit, nga mazhoranca u quajt sulm ndaj KZAZ madje edhe zjarrvënie e qëllimshme, dhe këtyre akuzave iu nështrua Gjykata e shkallës së parë dhe arrestoi 5 eprsona. Por kështu nuk mendon edhe Gjykata e Apelit Shkodër e cila i la të lirë 5 personat e arrestuar.

Gjykata e Apelit la me “detyrim paraqitje” dy punonjësit e policisë bashkiake Alfred Nikolli dhe Gentian Bytyçi, specialistin e  bujqësisë Adi Garuci,  Aleks Ndojin dhe 17 vjeçarin Orlando Thepi.

5 personat akuzoheshin për veprat penale “Shkatërrimi i pronës me zjarr”, ”Dëmtimi me dashje i materialeve zgjedhore”, “Kundërshtimi i Punonjësit të Policisë së Rendit publik”, “Goditja për shkak të detyrës”, “Kanosja për shkak të detyrës” dhe “Mosbindja ndaj urdhrit të Policisë së Rendit publik”.

Arrestimi i tyre erdhi pas tensioneve që u krijuan në KZAZ numër 3 me 18 qershor ku dhjetëra persona u përplasen me forcat e policisë që dhunuan objeketet në pronësi të Bashkisë Shkodër ku dhe ishin vendosur KZAZ-të, dhe në një moment shpërtheu edhe flaka në klasën ku ndodheshin materialet zgjedhore.