Beteja për ndryshimin e sistemit, Basha në Fier: E keqja, Edi Rama, të mos përsëritet!
Gjatë një takimi me strukturat e partisë në Fier, Kryetari i Partisë Demokratike, Lulzim Basha, duke vënë në dukje gjendjen shumë të vështire ekonomike tha se PD duhet të rrisë mbështetjen tek ai 85 përqindëshi që refuzuan regjimin e Edi Ramës, duke treguar se Partia Demokratike , njësoj si ata, kërkon ndryshimin e vërtetë.
“Kjo nuk është një betejë për pushtet personal. Nuk jemi në betejë për karriget tona, por për të mbrojtur interesin publik, për ndryshimin rrënjësor të sistemit, që e keqja që solli Edi Rama, të mos përsëritet më kurrë”
Protestat e Opozitës, sipas Lulzim Bashës, janë evropiane dhe për Shqipërinë si gjithë Europa.
“Edhe mediat ndërkombëtare, së fundmi, na u drejtuan si ‘protestuesit pro-europianë. Meritë të jashtëzakonshme për këtë ka bashkimi i qytetarëve, që ka ngjallur shpresën për ndryshim”, theksoi Basha.
