Beteja për Shkodrën, Voltana Ademi: Uzurpatori nuk do ta marrë qytetin!

Pas konstituimit të Këshillit Bashkiak të dal nga zgjedhjet e 30 Qershorit ndërkohë që nuk u shpall vlefshmëria e Kryetarit Valdrin Pjetri i cili u konfirmua trafikant droge pas denoncimit të Partisë Demokratike, Kryetarja legjitime e Bashkisë Shkodër, Voltana Ademi, ka reguar duke i bërë të qartë Edi Ramës se shkodranët nuk do t’i lejojnë të uzurpojë qytetin dhe Shqipërinë.

“Nuk lejojmë që një uzurpator të uzurpojë qytetin dhe Shqipërinë. Shkodranet e kanë demonstruar këtë përditë, Shkodra meriton shumë, këtë vlerësim që ne ia bëjmë tokës dhe vendit tonë dhe luftojmë fort, ne do të vazhdojmë ta duam qytetin, ta mbrojmë. Unë kam detyrën dhe përgjegjësinë të jem kryetare e bashkisë së Shkodrës deri në momentin sa më të shpejtë për të gjithë ne e jo vetëm për Shkodrën, por për vendin, kur ne shqiptarët të sigurojmë zgjedhje të vërteta, të rregullta, të gjithë të zgjedhin të lirë, jo vetëm kryetarin e bashkisë, por edhe këshillat bashkiakë,” tha Voltana Ademi duke përfunduar:

“Kjo që u bë sot është demonstrim i së vërtetës, jo vetëm ne që ne e mbështesim, por për të gjithë ata që kanë vesh të dëgjojnë, e të prekin të vërtetën e dhimbshme të shqiptarëve që nuk lodhen kurrë për të kërkuar lirinë e demokraci”.