Beteja për TK/ Alarmi i artistëve: Çmontimi i Teatrit ka filluar…

Në pritje të kalimit ose jo të Ligjit për Teatrin Kombëtar në Parlament, premtimet e kryetarit të bashkisë së Tiranës, Erion Veliaj siç duket nuk janë të kota.

Çmontimi i Teatrit Kombëtar ka filluar, dhe përkundër  faktit se bëhet natën dhe në fshehtësi të plotë, dëshmi për fillimin e çmontimit të tij ofron një nga drejtuesit e protestës kundër prishjes së Teatrit, regjisori Kastriot Çipi.

Ja postimi i plotë:

“Filloi me heqjen e tabelës ndriçuese “Eja në teatër”. Pastaj natën u hoqën posterët e shfaqjeve nga fasada e Teatrit Eksperimental në rrugën këmbësore. Dhe po natën, të njëjtët punëtorë të Bashkisë, hoqën një duzinë stola nga sheshi i Teatrit.

Këto veprime, në vend që të dekurajojnë qytetarët që vijnë çdo mbrëmje në protestë, na bëjnë të gjithëve të shtrojmë pyetjen: a nuk tregojnë këto shenja se procesi i “negocimit” me Fusha shpk do të jetë thjesht një farsë?”