Betejë pa kthim/ Fundi, Basha: Shporrja e kësaj qeverie të krimit!
Pas protestës së 26 Shkurtit para Parlamentit të krimit, kryetari i Partisë Demokratike, Lulzim Basha, thekson se beteja e nisur për një Shqipëri si gjithë Evropa është pa kthim por ka një fund:
“Kjo betejë do të përfundojë me shporrjen e kësaj qeverie të krimit dhe me triumfin e shqiptarëve!”
Përmes një mesazhi në rrjetin social Facebook, i cili shoqërohet edhe me foto nga protesta, ku policia e Ish-Gjeneral Sandër Lleshajt ushtroi një dhunë të shfrenuar ndaj protestuesëve dhe jo vetëm, Lulzim Basha, duke e pranuar se udhëtimi shqiptar drejtë Evropës është i dhimbshëm shton se ky është shpëtimi ynë:
“Udhëtimi ynë drejt Europës është i dhimbshëm dhe kalon përmes sakrificash, por ky udhëtim është shpëtimi ynë, është çlirimi nga e keqja që i ka zënë frymën shoqërisë, është rruga e sigurtë drejt mirëqënies për njerëzit!”
Mesazhi i plotë
Beteja që kemi nisur për një Shqipëri si gjithë Europa është pa kthim! Kjo betejë do të përfundojë me shporrjen e kësaj qeverie të krimit dhe me triumfin e shqiptarëve!
Udhëtimi ynë drejt Europës është i dhimbshëm dhe kalon përmes sakrificash, por ky udhëtim është shpëtimi ynë, është çlirimi nga e keqja që i ka zënë frymën shoqërisë, është rruga e sigurtë drejt mirëqënies për njerëzit!
