Biden pret Merkelin në Shtëpinë e Bardhë

Presidenti i SHBA, Joe Biden, do të mirëpresë sot kancelaren gjermane, Angela Merkel në Shtëpinë e Bardhë, në atë që pritet të jetë vizita e saj e fundit si kancelare.

Vizita e saj vjen dy muaj para zgjedhjeve parlamentare në Gjermani, të cilat do të ndryshojnë udhëheqësinë në Gjermani, për herë të parë nga viti 2005 ku as Merkel më nuk do të jetë më në krye të qeverisë gjermane.

Takimi në Washington, raporton RFE, pritet të vë në pah vazhdimësinë dhe stabilitetin e marrëdhënieve mes Gjermanisë dhe SHBA-së, si dhe konfirmohet ndryshimi i qasjes nën administratën e presidentit Biden, i cili është zotuar se të krijojë unitet me aleatët Bashkuara, për dallim nga diplomacia e ish-presidentit amerikan, Donald Trump.

Biden është takuar me Merkelin gjatë punimeve të Samitit të shtatë vendeve më të industralizuara (G7), të mbajtur muajin e kaluar në Angli. Biden e pranoi se nga liderët evropianë, kancelaren gjermane e admiron më shumë.

Përmes një postimi në Twitter presidenti amerikan tha se lidhjet në mes të SHBA-së dhe Gjermanisë janë më të fuqishme se kurrë, duke shtuar se është i gëzuar që pret atë në Shtëpi të Bardhë për të vazhduar punën.

Në takimin e 15 korrikut, dy politikanët veteranë pritet të diskutojnë pandeminë e koronavirusit, për Kinën dhe për projektin e gazsjellësit Rrjedha Veriore 2, i cili bart gazin natyror nga Rusia në Gjermani.

Projekti i gazsjellësit, me vlerë 11 miliardë dollarë është kundërshtuar nga SHBA sepse Washingtoni vlerëson se ai kërcënon sigurinë e energjisë evropiane.

Biden ka dhënë shenja në muajin maj, se është i gatshëm të lë mbrapa këtë çështje, duke hequr disa sanksione kundër subjekteve gjermane të përfshira në projekt, me arsyetimin se, meqë puna në gazsjellës gati ka përfunduar, sanksionet do të dëmtonin vetëm aleatët evropianë.

Merkel, në anën tjetër, është shprehur se projekti nënkupton vetëm bërje të biznesit me Rusinë, dhe projekti është çështje e sovranitetit kombëtar.