Biden rrëzohet në shkallët e avionit, Shtëpia e Bardhë “zbulon” shkaktarin

Pas rrëzimit komik të Joe Biden në shkallët e avionit presidencial Air Force One, një zëdhënëse e Shtëpisë së Bardhë tha sonte se ishte mot me shumë erë.

Zëdhënësja Karine Jean-Pierre u tha gazetarëve brenda avionit presidencial, se edhe ajo vetë gati ishte rrëzuar nga era.

“Ishte mot shumë me erë jashtë. Edhe unë desh u rrëzova duke u ngjitur në shkallët,”  tha Jean-Pierre, duke shtuar se nuk ka arsye për shqetësime mbi shëndetin e Biden pasi ai është 100 për qind në formë.

Sipas shërbimit meteorologjik amerikan, zona e Maryland është përshkruar nga erëra me shpejtësi nga 30 deri në 40 km në orë. Por gjithsesi erërat nuk penguan avionin të ngrihej për udhëtimit drejt Atlanta, ku Biden do të takohet me liderët komunitarë, pas masakrës me 8 të vrarë të komuniteteve aziatike, në 3 qendra masazhi.

Lidhur me incidentin në shkallët e avionit, Shefja e komunikimeve të Shtëpisë së Bardhë, Kate Bedingfield, shprehet: 

“E di që njerëzit e panë presidentin Biden të binte duke u ngjitur në shkallë, por jam e lumtur të raportoj se ai është mirë dhe nuk ka nevojë për kujdesje nga grupi mjekësor që udhëton me të”.