Bie çmimi i naftës

Çmimi i naftës ka pësuar rënie mëngjesin e sotëm për 4.05 për qind. Deri sa para një jave çmimi arriti mbi 130 dollarë sot ai në bursën londineze tregtohej me 102.60 dollarë ndërsa në tregun amerikan çmimi i barelit pësoi rënie për 4.10 për qind përkatësisht 98.80 dollarë.

Bie dollari dhe…

Në tregun valutor, vlera e dollarit gjithashtu ka pësuar rënie.

Indeksi i dollarit, i cili tregon vlerën e valutës amerikane ndaj gjashtë valutave tjera më të rëndësishme, mëngjesin e sotëm ka rreth 98.87 pikë, derisa dje në këtë orë ishte 99.22 pikë.

Kështu dollari ndaj valutës amerikane u rritë krahasuar me vlerën e djeshme 117.80 në 118.30 jen, nivel ky më i larti në pesë vitet e fundit.

Por, valuta amerikane është dobësuar në krahasim me atë evropiane, kështu vlera e euros arriti 1.0980 dollarë , derisa dje në këtë kohë ishte 1.0935 dollarë.

Ndikimi negativ i rënies në Wall Street

Ndikim negativ në treg kishte rënia e djeshme e indeksit S&P 500 në Wall Street, si dhe indeksi Nasdaq.

Trendi i rënies së indeksit S&P 500 u fut në javën e tij të tretë, që është pasojë e pasigurisë së investitorëve për shkak të luftës në Ukrainë, por dhe paparashikueshmëri sa i përket masave të politikës monetare në SHBA.

Sot pritet të filloi mbledhja dyditore e krerëve të FED ndërsa vendimet e tyre do të shpallen nesër.

Tashmë është e qartë se për herë të parë pas tre viteve, FED do të rritë interesat kyçe, duke pasur parasysh se me muaj të të tërë inflacioni në SHBA po lëviz drejt niveleve më të larta në 40 vitet e fundit, rreth 8 për qind.

Analistë të shumtë presin që FED do të rritë normën e interesit për 0.25 për qind. Por, për shkak të inflacionit të lartë, i cili për shkak të rritjes së fundit të çmimit të energjisë dhe lëndës së parë në të ardhmen mund të rritet edhe më shumë, është e mundshme një rritje edhe më agresive e normës së interesit.

Rënia e indeksit S&P 500 në masën më të madhe është pasojë e presionit në aksionet e sektorit teknologjik. Norma e lartë e interesit ndikon në aksionet teknologjike sepse varen nga xhiroja e arrdhshme e parave të gatshme.

“Jemi dëshmitarë të rrotacionit nga sektori që bazohet në rritje të atyre që bazohen në vlera, e shumica lidhet me lëvizjen e normës së inetersit. Tregu i aksioneve është para sfidave, e tregtimi i sotëm është shembull,” tha menaxheri në kompaninë Kingsview Investment Management, Paul Nolte.

Në bursat evropiane, rënie mbi 1%

Në bursat evropiane çmimi i aksioneve mëngjesin e sotëm pësoi rënie, pas rritjes së djeshme, për shkak të rezultatit të munguar në negociatat në mes të Rusisë dhe Ukrainës ndërsa sulmet e ushtrisë ruse vazhduan.

Indeksi STOXX 600 i aksioneve kryesore evropiane në orën 9:30 ishte minus 1.3 për qind, pas rritjes që kishte dje.

Indeksi londinez FTSE është minus 1.32 për qind, në 7.098 pikë, deri sa ai i frankfurtit DAX pësoi rënie 1.28 për qind, në 13.750 pikë, e ai parisien CAC 1.74 për qind, në 6.259 pikë.

Humbësit më të mëdhenj të aksioneve janë në sektorin turistik, që kanë pësuar rënie mbi 1 për qind. Rënie të madhe kanë pësuar edhe aksionet në sektorin minerar dhe energjetik, që është pasojë e rënies së madhe të çmimit të naftës dhe lëndës së parë.

Edhe në bursat aziatike çmimet e aksioneve kanë pësuar rënie. Indeksi MSCI rreth orës 9:30  ishte në minus rreth 2 për qind, që është dita e dytë me rradhë që pëson rënie.

Në bursën e Tokios, indeksi Nikkei indeks u forcua 0.2 për qind, ndërsa në Australiji, Korenë e Jugut, Shangai dhe Hong Kong aksionet kanë pësuar rënie prej 0.7 derii 5.4 për qind.

Në bursat kineze ashtu si edhe dje çmimet e aksioneve pësuan rënie të madhe, që është pasojë e rritjes së numrit të infektuarëve me koronavirus. Për këtë arsye është mbyllur qyteti me 17 milionë banorë, Shenzhen, ndërsa investitorët kanë frikë nga ulja e aktiviteteve ekonomike.©pafrike.al