Bien çmimet e naftës, investitorët të shqetësuar me Kinën dhe SHBA
Çmimet e naftës kanë ra sot nën 76 dollarë pasi investitorët u shqetësuan me paralajmërimin mbi stanjacionin e kërkesës kineze dhe rënies së eksportit amerikan i cili mund të konsiderohet si rritja më e dobët e ekonomisë dhe kërkesës për naftë.
Në tregun londinez çmimi i barelit pas pasdites ishte për 1.59 dollarë më e ulët se sa në mbylljen e djeshme të tregtimit dhe ishte 75.61 dollarë. Gati po në këtë vlerë bareli u ul edhe në tregun amerikan ku u tregtua me 70.65 dollarë.
Në fokus të tregut është paralajmrimi i Organizatës së shteteve eksoprtuese të naftës, OPEC, dhe aleatëve të saj se në tremujorin e parë 2024 do ul furnizimin për 2.2 milionë barel në ditë. Kur të llogariten barelët saudit dhe rus që tashmë janë larguar nga tregu, do ulet vetëm për 700 mijë barel në ditë.
Presidenti i Rusisë, Vladimir Putin, ka udhëtuar sot drejt Emirateve të Bashkuara Arabe dhe Arabisë Saudite për tu takuar me Presidentin e EBA, sheikun Mohammed Bin Zayed Al Nahyan dhe trashëgimtarin e fronit saudit Mohammed bin Salman.
Në takimin që u zhvillua në Abu Dhabi, Putin bisedoi lidhur me bashkëpunimin e Rusisë dhe Emirateve të Bashkuara Arabe në OPEC+ dhe projekteve të tjera të naftës dhe gazit, thekson Agjencia britanike e lajmeve Reuters.
Vlera e çmimit ishte sot edhe shqetësim për ekonominë kineze, stanjacioni i së cilës mund të kufizoj kërkesën për naftë, tek konsumatori i dytë më i madhi në botë.
Agjencia Moody’s sinjalizoi qysh dje se mund të ul çmimin e obligacioneve shtetërore kineze A1, duke ndryshuar parashikimet nga stabël në negative.
Nesër Kina do të publikoi të dhënat paraprake në shkëmbimet e mallërave për muajin nëntor, duke përfshirë dhe të dhënat për importin e naftës së papërpunuar. Analistët vlerësojnë se intensiteti i përpunimit të naft137s në rafineritë kineze është ulur në muajin e parafundit të vitit.
Tregtarët janë shqetësuar edhe me rënien e eksportit amerikan në muajin tetor dhe deficitin më të madh tregtar meqë mund të ngadalësoj rritjen e ekonomisë amerikane në tremujorin e katërt.
OPEC nga ana e tij ka raportuar se bareli i naftës së anëtareve të saj është rritur dje për 32 cent, në 80.01 dollarë.
