Bilanci, Edi Rama’2020: Premtime për premtimet! S’kemi pa gjë akoma!

Kryeministrit Edi Rama nuk i duhet Sandër Lleshaj për të treguar përralla, në veçanti jo në ditët si kjo e sotmja kur bënë bilancin e punës së Qeverisë. Plotë 8 vjet qeverisë me vendin dhe sërish sot krahasimin e bënë me kohën e Saliut dhe statistikat e vitit 2012! OFL për çdo qytetar shqiptar është idiotizëm i gjallë por jo për Edi Ramën i cili nuk tha se sa janë dënuar nga ata që prekur Forca e Ligjit por sa janë referuar në SPAK. Bilanci i tij nuk përfshinte edhe ato që SPAK i shpalli të paligjshme por u mjaftua të mburret me faktin se në vitin 2012 kemi pasur 126 vrasje, sot kemi 2.5 herë më pak, dhe nëse i referohemi mesatares së disa viteve përpara se sa të merrnim detyrën, jemi gjysmë për gjysmë.

Mirëpo kur u pyet për çështjen e detit nuk e bëri krahasimin me vitin 2009 ama akuzoi ata që i dolën kundër mosveprimit të tij edhe pas Dekretit presidencial grek për zgjerimin në 12 milje. Të pafe, pa din e pa imam dhe të mangët nga mendja e kokës, janë për Kryeministrin Edi Rama, Presidenti i Republikës, Ilir Meta dhe parardhësi i tij Bujar Nishani pse i kërkojnë transparencë për çështjen e detit madje i akuzon: Sa herë tështin apo kollitet dikush në Athinë këtu plas rrufa e madhe për arsye komplet të tjera nga e vërteta, për arsye lufte për pushtet kaq e thjeshtë është kjo!

Për rindërtimin vazhdoi me premtime, meqë nuk realizoi ato që kishte bërë për vitin e ri, ndërkohë që u mundua të arsyetohet me pandeminë. Por edhe këtu çaloi si me ndihma ashtu dhe vaksinën kundër COVID-19 për të cilën edhe sot premtoi se do të mbërrijë nga mesi i janarit.

Meqë premtoi për vaksinën dhe rindërtimin nuk kishte arsye të mos premtonte edhe për aeroportet që ishin dhe mbetën ëndërr, dhe për të gjitha që nuk realizoi dhe detin e shitur ai nuk e pa të arsyshme të kërkoj falje. Shyqyr zotit që Zaho Rama është në këtë botë dhe të paktën e pamë sot Kryeministrin Rama duke i kërkuar falje një njeriu ndërsa të tjerët:

Nuk kanë parë gjë akoma!

Çështja e detit me Greqinë është e rëndësishme për çdo shqiptar por siç duket për Kryeministrin Rama as sot në ditën e bilancit vjetor. Greqia, thotë ai se mund të zgjerohet me 12 milje sepse e ka këtë të drejtë aty ku ka mundësi, e për ata që e kundërshtojnë ka një fajtor: Ilir Meta dhe Bujar Nishani! Gjykim interesant për një njeri që drejton shtetin dhe nuk del as në dritare, ndryshe kërpudha do ti thoshte se kush e kundërshton përveç këtyre “dy fajtorëve”. Dhe jo vetëm kaq!

Me Dekretin e fundit presidencial të Greqisë, ky shtet është në avantazh në Gjykatën Ndërkombëtare në Hagë ku pritet të filloj procesi. Por as me këtë fakt nuk pajtohet Edi Rama.

“Unë besoj që ata që i fryjnë këtij zjarri janë të qëllimshëm. Vështirë të besoj se këta fryrës të këtij zjarri të jenë kaq të mangët nga mendja e kokës. I qëllimshëm për të luajtur me ndjenjat kombëtare, patriotikë për të shfrytëzuar rastin që të krijohet një sebep për sherr e për t’i ndarë punët mes tradhtarësh e patriotësh e për t’i ndarë punët në mënyrën më të shëmtuar.

Shqipëria në vitin 1990 ka bërë të njëjtën gjë që po bën Greqia sot, e kam shpjeguar e ri shpjeguar: Çdo shtet që ka dalje në det ka të drejtë të zgjerohet 12 milje përtej kufirit ekzistues aty ku është e mundur. Shqipëria e ka ushtruar këtë të drejtë në vitin 1990 me dekret të Presidiumit të Kuvendit Popullor, e ka depozituar në maj ‘90 në Kombet e Bashkuara. Nuk rezulton që Greqia të ketë bërë ndonjë reagim apo deklaratë në atë kohë, se është e drejtë e çdo kombi.

Të njëjtën gjë ka bërë edhe Greqia, për detin Jon që është shumë më përtej pjesës tonë në Jon. Në pjesën mes të dyja vendeve s’ka mundësi fizike shtrirja me 12 milje ndaj edhe ne e kemi negociuar kaq kohë, ndaj edhe do shkojmë në gjyq. Nëse do ishte kaq idiotikisht banale sa përshkruhet nga këta të pafe, pa din e pa imam, vetëm për të nxitur urrejtje dhe dëshpërim dhe për të krijuar një trazirë të radhës në funksion të zgjedhjeve, atëherë për çfarë kemi negociuar ne? Për çfarë shkojmë në gjyq? Si mund të arrihet deri në këtë nivel të të menduarit rrafsh fare pa asnjë lëvizje të trurit, si u bëka kështu? Si funksionoka kjo me një mbyllje syri? Bëjmë marrëveshje të fshehtë, marrin ata detin e shesim? Si ndodh kjo? Çfarë të reagojmë ne kur kjo është pjellë e fantazisë shqiptare? Këtë e prodhon mendja e autoritet më të lartë të Republikës së Shqipërisë dhe ish-autoritet më të lartë (Nishani). Kjo s’ka lidhje me zonën e kontestuar mes nesh. Mos harroni këta janë autorët e marrëveshjes së 2009, asaj marrëveshje që u rrëzua nga GJK.”

Faktikisht ka qenë kërkesa jonë që në fillim që ta zgjidhim këtë punë me gjykatë dhe nuk donte pala greke, tha Kryeministri Rama ndonëse këtë e kërkoi paraardhësi i tij Sali Berisha dhe kundër ishte lideri i opozitës Edi Rama.

Gjithsesi, sot Kryemnistri Edi Rama shprehet:

“Këto teoritë që ata atje janë në avantazh në Gjykatën Ndërkombëtare, janë dokrra. Sa herë tështin apo kollitet dikush në Athinë këtu plas rrufa e madhe për arsye komplet të tjera nga e vërteta, për arsye lufte për pushtet kaq e thjeshtë është kjo. E kemi përsëritur 1 mijë herë se e drejta e 12 miljeve është e drejtë universale e çdo vendi që buron nga Konventa, Greqia e ushtron sot për arsye të veta që s’kanë lidhje me Shqipërinë, tani o unë jam agjent turk që luftoj me Greqinë, o jam agjent grek e luftoj me Turqinë, o në fakt jam ai që jam apo që jam realisht: Kryeministri i Shqipërisë që nuk i negocioj të drejtat e shqiptarëve. Është e turpshëm për një vend si i yni që bëhet kaq qesharak përmes gojëve të një presidenti e ish-Presidenti që edhe gjithë bota qesh me ne.”

Ky mjeshtër i premtimeve sot nuk akuzoi Bashkimin Europian pse shqiptarët nuk po vaksinohen ama tha se nga mesi i muajit janar vaksina kundër COVID-19 mbërrinë në Shqipëri.

“Jemi në përpjekje intensive për vaksinën. Situata e përgjithshme është shumë domethënëse sa i përket situatës edhe në Europë. Sot që flasim Italia ka në dispozicion 9700 vaksina, vend i BE me një popullsi të konsiderueshme. Ka nisur vaksinimin me kaq doza. Ndërkohë çfarë ka ndodhur në nivelin europian, gjithë partia e parë e dozave të disponueshme është ndarë mes vendeve të BE dhe ndërkohë ju është lënë vendeve të negociojnë me vende apo palë të tjera për të ndarë nga paketa e tyre.

Nga ana tjetër, se çfarë nuk dëgjon këtu, kompanitë duke filluar nga Pfizer bëjnë marrëveshje që sidoqoftë janë të lidhura me shtetet, nuk bëhet drejtpërdrejt me kompanitë. Kur them shtete kam parasysh BE si një entitet i tërë. Kini parasysh se në SHBA ka një ndalesë me një akt të Presidentit të SHBA që asnjë dozë s’mund të dalë nga SHBA. I gjithë ky ngërç i takon fazës së parë pasi prodhimi do të rritet. Ne jemi të bindur që do fillojmë vaksinimin pa pritur që të kalojë ky ngërç. Do e fillojmë vaksinimin brenda janarit. Ne në mes të janarit do fillojmë me mjekët dhe infermierët e do vazhdojmë me grupet vulnerabël. Jemi në diskutime edhe me Astra Zenicën dhe me Modernën dhe besoj që shumë shpejt do finalizojmë marrëveshjen me Pfizer e cila lidhet me kapacitetet që janë në shtete të ndryshme. Ndaj edhe kjo mbetet për diskutim, se duhet kuptuar mekanizmi si funksionon shpërndarja. Pas takimit tonë me bosin e Pfizer, ekipi çon e merr dokumentacione përkatës, e ndërsa nga ana jonë ne po punojmë se ka gatishmëri Pfizer dhe po negociohet me një vend tjetër që të mund të vijë tek ne, se ndryshe nuk funksionon.

U fol se nisi vaksinimi në Maqedoninë e Veriut, por çfarë filloi? Bëhet fjalë për 100 doza të dhëna të aprovuara nga Bullgaria në formë solidariteti dhe miqësie, por mekanizmi kështu funksionin.

Objektivi ynë është që të mos mbetemi asnjë minutë mbrapa të tjerëve dhe të nisim menjëherë në janar.

Këtu do jemi, kështu do ndodhë se kur vjen puna për të lypur për Shqipërinë e shqiptarët më falni për modestinë por jam njësh.”

Meqë shqiptarët e njohin për njësh vetëm për akuza, Edi Rama këtë bëri në këtë konferencë vjetore dhe bëri sikur ishte zemëruar me Rusinë e cila vëllezërve komunist në pushtet u ofroi ndihmë duke shprehur gatishmëri të sjellë vaksinën e saj “Sputnik V” në Shqipëri.

Për Kryeministrin Rama ky është provokim qesharak nga shteti rus, ndërsa mirëpret një ndjesë nga ambasada ruse e ai është e fokusuar te vaksinat e kompanive Pfizer, AstraZeneca dhe Moderna, ashtu si dhe vendet e Bashkimit Europian.

“Kam menduar që ka qenë një meme, ajo që pashë që ambasada e Rusisë kishte postuar nga Twitteri i Drejtorit të Komunikimit një ritwit. Mendova se ishte meme, pasi për një shtet serioz është krejtësisht e papërshtatshme të bëjë provokime të tilla. Kur them provokim nuk po i paraprij ndonjë demarshi pranë shtetit rus, sepse ky është një provokim qesharak dhe nuk është mirë që një vend serioz të bëhet qesharak përmes këtyre lloj postimeve. Shpreh keqardhje për këtë, se nuk shoh arsye që ambasada e Rusisë të përfshihet në prodhimin e memeve.

Sa i përket aspektit tjetër, ne jemi fokusuar te vaksinat e Pfizer, AstraZeneca, Moderna, me këto kompani jemi në komunikim. Shtetet me të cilat ne komunikojmë në BE janë të drejtuara drejt këtyre kompanive. Nuk kemi asnjë arsye të shprehim rezerva apo të paragjykojmë vaksinën ruse apo kineze, por për momentin ne jemi të fokusuar në këto drejtime. Nëse do të lind nevoja dhe do ta shohim të arsyeshme, patjetër që do të shohim dhe alternativa të tjera,” tha Kryetari i PSSH pasardhëse e PPSH-së kriminale që me liderët e Rusisë shkatëroi tokën dhe qenien shqiptare ndërsa përfundoi:

“Postimi i ambasadës ruse nga ana ime konsiderohet i papërshtatshëm. Ndjesë e ambasadës ruse, qoftë dhe për keqkuptimin, do të ishte i mirëpritur.”

Shqiptarë të goditur nga pandemia direkt ose indirekt janë të shumtë por asnjërit prej tyre nuk i kanë munguar premtimet e Kryeministrit Edi Rama.

“Do kaloj tani te situata me pandeminë, duke u ndalur tek ata që nuk janë prekur direkt nga virusi, por është prekur ekonomia e tyre. Sot them që janë afër 300 mijë shqiptarë, që kanë përfituar direkt pagë lufte. Ndihma direkte për biznesin e vogël është konkretizuar me një hap kongresist, duke hequr taksën dhe duke u bërë i vetmi vend në rajon me zero taksë mbi fitimin për biznesin e vogël dhe zero TVSH për të gjitha bizneset e vogla me një xhiro deri në 100 mijë dollarë në vit.

Nga ana tjetër, ishte garancia sovrane si mbështetje për biznesin e madh, si dhe mbështetjen e disa sipërmarrjeve. Sot që flasim janë 560 entitete që kanë përfituar nga instrumenti i parë i garancisë sovrane, një shumë prej 53 milionë eurosh, dhe mbi 200 entitete të tjera që kanë përfituar nga instrumenti i dytë i garancisë. Në total kanë përfituar 53 mijë punonjës.

Një tjetër e dhënë që i referohet regjistrit të të punësuarve është që në Shqipëri zyrtarisht në momentin e goditjes së madhe mars-qershor rezultuan të papunë menjëherë 33 mijë persona dhe faktikisht sot janë më shumë se 20 mijë prej tyre që janë rikthyer në vendin e punës. Kemi një program të veçantë për nxitjen dhe mbështetjen e kthimit në punë të asaj pjese të mbetur që humbi vendin e punës për shkak të pandemisë.

Kemi dyfishuar ndihmën ekonomike, të cilën do ta mbajmë në fuqi edhe gjatë vitit të ardhshëm, deri në fund të luftës me këtë armik të padukshëm, për të gjitha familjet me ndihmë ekonomike, pavarësisht nëse kanë apo jo persona të prekur nga Covid-i. Hyjmë në vendet që kanë ofruar mbështetje të konsiderueshme në raport me PBB. Jemi në vendin e dytë në rajon, vetëm pas Serbisë, e cila kaloi fazën e parë në një proces elektoral. Sipas Bankës Botërore, si rezultat i masave të marra, ekonomia shqiptare dhe ajo malazeze do të jenë dy ekonomitë që do të rimëkëmben më shpejt nga goditja e rëndë e pandemisë.”

Këtë listë dëshirash shqiptarët e dëgjuan edhe më parë por shqiptarëve kryeministri ia serviri edhe me të dhëna nga BB dhe FMN:

“BB parashikon 5% rritjen ekonomike vitin e ardhshëm, FMN e parashikon 6%, por ajo që mbetet me rëndësi përtej këtyre shifrave është se falë faktit që paralelisht ne kemi zhvi8lluar luftën në front duke mbështetur financiarisht ata që u prekën më shumë dhe drejtpërdrejtë nga pasojat e kësaj lufte dhe kemi vijuar disa procese të rëndësishme, ku më i rëndësishmi është ai i rindërtimit, padiskutim që ekonomia jonë ka një bazë të qenësishme për t’u rritur dhe për të vazhduar të rritet në mënyrë të qëndrueshme pas kësaj goditjeje.”

Për premtimet e parealizuara fajtor tha se është COVID-19 dhe ndonëse nuk ishte në Asamble të Partisë Socialiste, Edi Rama u humb paksa duke premtuar edhe sot se 4.500 shtëpitë individuale të planifikuara në programin e Rindërtimit përfundojnë brenda 6-mujorit të parë të vitit 2021 duke harruar se të praktën gushti si premtim turk nuk është brenda 6-mujorit.

”Për fat të keq ndërhyrja dramatike e COVID-19 në gjithë procesin e aktivitetit të këtij viti, mars-qershori. Kemi disbursuar 289.5 mln euro dhe 250 mln euro hua nga konferenca e donatorëve, janë të kanalizuara, pa 25 mln eurot direkte në buxhet.

Janë 280 mln euro dollarë, 28 miliardë lekë për 2021. 28 kantiere infrastrukture publike që kanë filluar ose janë në proces, dhe faktikisht e gjithë puna e rindërtimit prek shumë më tepër se familjet. Janë 500 mijë banorë që afektohen drejtpërdrejt qoftë nëpërmjet shkollave shumë më të mira, qoftë infrastrukturë, shërbimin shëndetësor. Spitali i ri i Laçit, 6 qendra të mëdha shëndetësore në atë zonë.

Dhe tjetra, 450 kompani shqiptare dhe afro 25 mijë punonjës, punëtorë të punësuar në Rindërtim. 158 objekte arsimore për 25 mijë fëmijë, vazhdojmë me banesat individuale, 1 mijë shtëpi të reja që hapin dyert deri pasnesër për të mundësuar kalimin e viti të ri në një strehë të re.

Në mars përfundojnë 2500 shtëpi të tjera. Në total 4 mijë e 500 shtëpi që mbyllen brenda 6-mujorit të parë të vitit të ardhshëm. Kanë filluar apartamentet e reja.

Rindërtimi do jetë një transformim kolosal, si me kopshtet, shtëpitë por edhe me lagjet e reja që do rindërtohen.”

Dhe, sikur në librin e premptimeve do të mungonin aeroportet nuk do të quheshin premtime të Kryeministrit të Shqipërisë, Edi Rama. Këtë Rama e respektoi dhe sot sërish foli për aeroportet e Kukësit dhe Vlorës duke premtuar.

‘’Besoj në pranverë aeroporti i Kukësit do hapet për fluturime ndërkombëtare. Uroj dhe lus zotin që pengesa e fundit për aeroportin e Vlorës të kapërcehet, dhe në gjysmën e parë të janarit do kemi ofertat për garën e rihapur ndërkombëtare, të shohim më pas më tutje për të hyrë në kantier brenda verës të garantojmë edhe aeroportin e madh ndërkombëtar të jugut të Shqipërisë.

Me hapjen e procesit për Vlorën, do hymë për Sarandën. Do kemi 4 aeroportet të domosdoshme për të zhvilluar si duhet turizmin dhe për të hyrë si duhet në dekadën e re të shekullit.’’

Të gjitha ata shqiptarë që u acaruan me këtë bilanc ose shprehje dëshirash të Kryeministrit Edi Rama duhet të jenë të qetë në këtë fundvit pavarësisht se çfarë i premtoi Muhametit të tij të dashur për mandatin e tretë…