“Bindja Demokratike”/ Kolegji Zgjedhor mbronë interesat e Edi Ramës: BD në zgjedhjet e 30 qershorit!
Kolegji Zgjedhor ka rrëzuar sot anikimimin e depozituar nga Partia Bashkimi Demokrat Shqiptar kundër vendimit të KQZ, për regjistrimin në zgjedhje të “Bindjes Demokratike”, të Astrit Patozit.
PBDSH kërkoi nga Kolegji Zgjedhor që të çregjistronte partinë e Patozit, për shkak se KQZ e kishte përfshirë atë si forcë garuese në zgjedhje në kundërshtim me ligjin.
Në rasyetimin ligjor, PBDSH thekson se vendimi i Gjykatës i paraqitur në KQZ nga “Bindja Demokratike” nuk kishte marrë formë të prerë.
“Vërtetimi i gjykatës, i paraqitur në KQZ nga Bindja Demokratike nuk ka marrë formë të prerë. Duke futur në garë, në kundërshtim me ligjin për partitë dhe Kodin Zgjedhor, organizata politike të paregjistruara në Gjykatë, KQZ cenon kushtet e barabarta në zgjedhje dhe ligjshmërinë e zgjedhjeve. Kodi Zgjedhor thotë qartë se “për të marrë pjesë në zgjedhje një parti duhet të paraqesë vërtetimin e regjistrimit në gjykatë”, gjë që Bindja Demokratike nuk e ka, sepse vërtetimi i paraqitur nuk është i formës së prerë. Deri në 23 prill 2019, kur ishte afati i fundit për të dorëzuar kërkesat në KQZ, Bindja Demokratike nuk ekzistonte si parti, prandaj pranimi I saj në zgjedhje nga KQZ është I paligjshëm”, thekson PBDSH.
Por sot Kolegji Zgjedhor vendosi të rrëzoi kërkesën e Partisë Bashkimi Demokrat, me argumentin se nuk legjitimohet si forcë politike për të bërë këtë ankimim.
Me këtë vendim të Kolegjit, Partia Bindje Demokratike do të garojë zyrtarisht në zgjedhjet e 30 qershorit ndërsa Edi Rama fillon një fushatë të re në prag të zgjedhjeve lokale: “Kolegji Zgjedhor që Duam!”.
Pas këtij vendimi, kryetari i Bindjes Demokratike, Astrit Patozi duek reaguar e ka quajtur si fitoren e betejës së parë politike:
“Bindja Demokratike kapërceu sot edhe stërkëmbëshin e fundit të atyre, që i trembeshin më shumë pranisë së saj, se sa mungesës së tyre në zgjedhjet lokale të 30 qershorit. ”
Ndryshe, Partia Bashkimi Demokrat Shqiptar ka kujtuar precedentët e kaluar, ku KQZ nuk ka regjistruar disa parti politike, si Partia Civile, sepse vendimi për regjistrimin e saj nuk kishte marrë formë të prerë.
“Kolegji Zgjedhor e ka konfirmuar këtë qëndrim të KQZ në 26 prill 2013, për Partinë Civile, duke argumentuar se ‘pa marrë vendim të formës së prerë regjistrimi në gjykatë, kryetari i partisë së re apo të autorizuarit e tij, nuk ka tagër të paraqesin në KQZ kërkese për regjistrim’. E njëjta gjë duhet të vlejë edhe për zotin Astrit Patozi si kryetar i Bindjes Demokratike apo të autorizuarit prej tij, të cilët kanë dorëzuar kërkesë në KQZ për pjesëmarrje në zgjedhje përpara se vendimi I gjykatës për regjistrimin si parti të marrë formë të prerë,”
