BKH si FBI! Ambasada e SHBA: Ja si do hetohet korrupsioni dhe krimi i organizuar!

Duke theksuar se Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën, Ambasada e SHBA në Tiranë sqaron se si Byroja Kombëtare e Hetimit, BKH, do të veprojë në mënyrë të ngjashme me FBI-në:

“Byroja Kombëtare e Hetimit, BKH, njësia hetuese dhe një nga dy elementët e SPAK, do të veprojë në mënyrë të ngjashme me FBI-në amerikane dhe do të hetojë korrupsionin në nivele të larta dhe krimin e organizuar. Elementi i dytë i SPAK, Zyra e Prokurorit të Posaçëm ose SPO, do të çojë në gjykatë çështjet e hetuara nga SPAK,”thekson në mesazhin e saj përmes rrjetit social Ambasada e SHBA në Tiranë duke e shoqëruar me një video ku tregohet se si do të përdoren 4 milionë dollarë që Qeveria e Shteteve të Bashkuara ka dhënë për Byronë Kombëtare të Hetimit, BKH.

Ndryshe, Qeveria e Shteteve të Bashkuara ka dhënë 4 milionë dollarë për Byronë Kombëtare të Hetimit, BKH, në mbështetje të përpjekjeve të Shqipërisë për zhvillimin e sistemit etik, transparent dhe profesional të drejtësisë që qytetarët e saj meritojnë:

Ja postimi i plotë:

Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën.

Lufta kundër korrupsionit është prioritet i punës së Ambasadës së Shteteve të Bashkuara në Tiranë.

Këtë javë, mësoni se si Byroja Kombëtare e Hetimit, BKH, njësia hetuese dhe një nga dy elementët e SPAK, do të veprojë në mënyrë të ngjashme me FBI-në amerikane dhe do të hetojë korrupsionin në nivele të larta dhe krimin e organizuar.

Elementi i dytë i SPAK, Zyra e Prokurorit të Posaçëm ose SPO, do të çojë në gjykatë çështjet e hetuara nga SPAK.

Kjo video tregon se si 4 milionë dollarë që Qeveria e Shteteve të Bashkuara ka dhënë për BKH-në, do të përdoren në mbështetje të përpjekjeve të Shqipërisë për zhvillimin e sistemit etik, transparent dhe profesional të drejtësisë që qytetarët e saj meritojnë. #ShqiperiaLuftonKorrupsionin #NdalKorrupsionit