Blackout, Berisha: Kolaps i plotë i sistemit energjetik të vendit!
Pas goditjes së Shqipërisë nga një blackout total i energjisë elektrike, ka reaguar Kryetari i Partisë Demokratike, Sali Berisha duke theksuar se investimet në sistemin energjetik prej 1.2 mliliardë euro për të cilin rrihnin gjoksin Rama-Balluku, dëshmoi me këtë kolaps se më së paku 90 për qind e tyre janë vjedhur ndaj dhe ndodhi kjo rënie totale!
“Sot sistemi energjitik pësoi rënie të plotë si kurrë ndonjëherë në historinë e vendit. Dënoj me forcën më të madhe vjedhjen e fondeve të investuara në sistemin energjetik i cili falimentoi me vapën e parë.”
Ndryshe, pas ndërprerjes së energjisë elektrike në vend, ndonëse nuk zgjati as një orë, në kryeqytet mjaftoi të shkaktoi një kaos të vërtetë në trafik ku nuk punonin semaforët, ndërkohë institucionet shëndetësore janë alarmuar për shkak të temperaturave të larta.
Ky blackout ka ndërprerë edhe seancën në Gjykatën Kushtetuese ku po shqyrtohet padia e Partisë Demokratike në lidhje me mandatin e Olta Xhaçkës, në kohën kur mbante detyrën e Ministres së Jashtme. Pas një ndërprerje seanca vijoi por transmetimi live u ndërprerë.
Reagimi:
Të dashur miq, sot sistemi energjitik pësoi rënie të plotë si kurrë ndonjëherë në historinë e vendit. Rama-Balluku rrihnin gjoksin për 1,3 miliard euro investime në këtë sistem, por ky kolaps dëshmon se më së paku 90% e tyre janë vjedhur ndaj dhe kjo rënie totale.
Dënoj me forcën më të madhe vjedhjen e fondeve të investuara në sistemin energjetik i cili falimentoi me vapën e parë.
