“Bledi Veltari”, reagon Ministri Çuçi: Shoqatë velierash sportive e krijuar me miq pasionantë!
Kryetari i Partisë Demokratike, Sali Berisha, e akuzoi si anëtar i një shoqate trafikantësh dhe kontrabandistësh ndërsa Ministri i Brendshëm, Bledi Çuçi, duke reaguar tha se bëhet fjalë për shoqatë velierash sportive që e ka krijuar me miq pasionantë por harroi të sqaroi se si e ka regjistruar në QKB shoqatën e pasionatëve, e cila si e tillë nuk mund të ketë pronar!
“Për respekt të opinionit publik, që me të drejtë është i ngarkuar nga tragjedia e vajzës 7-vjeçare dhe dhimbja e familjes së saj, dua të sqaroj se sajesat me emrin tim dhe një shoqatë velierash sportive që kam krijuar me miq pasionantë të tyre, nuk kanë lidhje me asnjë biznes dhe aq më tepër me skafe apo gomone,” thekson Çuçi duke hedh poshtë me neveri, sipas tij sajesat, pasi duan të keqpërdorin në mënyrë të neveritshme këtë ngjarje tragjike, për ta mbajtur gjallë për hallet e tyre politike, dhe harron për momentin se nuk po i drejtohet patronazhistëve por qytetarë normal që e dinë mirë çka është shoqata, pasionanti dhe QKB.
Ndryshe, sipas ekstraktit të publikuar të QKB, të cilit iu referua edhe Kryetari i PD, Sali Berisha, duke e quajtur sot dhe “Bled Veltari”, ministri i Brendshëm, Bledar Çuçi rezulton pronar i subjektit “Albanian Sailing Club”.
Reagimi i plotë:
Ka një përpjekje për të prodhuar fakte që të ilustrojnë akuzat e gatshme të Sali Berishës ndaj meje pas tragjedisë së fundit në Himarë. Për respekt të opinionit publik, që me të drejtë është i ngarkuar nga tragjedia e vajzës 7-vjeçare dhe dhimbja e familjes së saj, dua të sqaroj se sajesat me emrin tim dhe një shoqatë velierash sportive që kam krijuar me miq pasionantë të tyre, nuk kanë lidhje me asnjë biznes dhe aq më tepër me skafe apo gomone.
I hedh poshtë me neveri këto sajesa, pasi duan të keqpërdorin në mënyrë të neveritshme këtë ngjarje tragjike, për ta mbajtur gjallë për hallet e tyre politike.
Gjatë këtyre ditëve të rënda për çdo shqiptar, por veçanërisht për familjen e vajzës dhe për ne që jemi përgjegjës për sigurinë e jetës së tyre, jam përpjekur të flas me veprime konkrete kundër fajtorëve të asaj tragjedie, të cilët tani janë para drejtësisë, përfshirë gjithashtu dhe të gjithë zinxhirin komandues të Policisë Kufitare Vlorë.
Mendoj se kjo është rruga e duhur për të respektuar dhimbjen e familjes së vajzës dhe të afërmve të saj. Rruga për t’u përballur me baltën e Sali Berishës është 30- vjeçare dhe nuk më sfidon. Thjesht e kemi detyrim ndaj shqiptarëve të ndajmë fatin e Shqipërisë nga fati dhe balta e tij.
