Bletët e trajnuara zbulojnë mina në Kroaci
“Bletët nuhatëse” të trajnuara, për herë të parë janë përdorur me sukses në zbulimin e minave në Kroaci, shkruan Daily Mail.
Bletët kanë sjellë edhe ekspertët për çminimin e minave të mbetura dhe mjeteve tjera shpërthyese në Kroaci, që nga koha e luftës për pavarësi nga Jugosllavia e cila filloi në vitin 1991, janë shprehur ekspertët për Daily Mail.
Bletët ishin trajnuar paraprakisht për identifikimin e aromës së lëndës plasëse.
Ekspertët deklaruan se bletët në rrethana të caktuara mund të jenë më të suksesshme në kërkimin e minave se sa që janë qentë dhe kanë kosto më të ulët, si dhe mund të punojnë kohë më të gjatë.
Përpjekjet e trajnimit të bletëve për zbulimin e minave dhe mjeteve tjera shpërthyese ka filluar në vitin 2013, por kjo është hera e parë që me sukses ato i zbulojnë minat.
Fizicienti nga Unversiteti St.Andrews, Ross Gillander ka ndihmuar në ndërtimin e paisjes për përcjelljen e lëvizjes së bletës, përmes së cilës zbulohen gjurmët e lëndës plasëse në bletë, pas kthimit të tyre në koshere. Kur u dëshmua prania e gjurmëve, fotografitë e bëra me dron treguan se ku janë vendet ku bletët ikanë mbledhur.
Rezultate premtuese në Kroaci
Rezultatet premtuese të studimit që po zbatohet në Kroaci dëshmojnë se mund të arrihet heqja më e shpejtë e miliona minave të mbetura në gjithë botën dhe mund të shpëtohen me mijëra njerëz.
Testimi I “bletëve nuhatëse”në terren ka filluar në Kroaci në nëntorin e vitit të kaluar dhe është financuar nga ana e programit të NATO-s, Shkenca për paqe dhe siguri, SPS.
Bletët gri të mjaltit janë trajnuar duke vendosur shurup të sheqerit në lëndë plasëse. “Bletët largohen nga kosheret për të kryer punën e tyre të përditshme në kërkim të polenit, por në vend të tij gjejnë lëndën plasëse. I tërheq shurupi i sheqerit. Trajnimi zgjatë dy ditë dhe është shumë më i suksesshëm se sa trajnimi I qenëve,” tha Gillander.
“Mirëpo, pas tri ditësh bletët kuptojnë se nuk po marrin kurrfarë shpërblimi dhe ju humb interesimi. Kështu që pas tre ditësh duhet sërish ti trajnojmë”.
