Blinken: U bëjmë thirrje të gjitha palëve të ulin tensionet!

Sekretari i Shtetit Anthony Blinken u bëri thirrje të gjitha palëve në Kosovë, të punojnë për të ulur tensionet në veri të vendit dhe sërish dënojë dhunën e së hënës kundër trupave të KFOR-it, forcave të rendit dhe gazetarëve, që ai e quan të papranueshme.

“U bëjmë thirrje të gjitha palëve që të ndërmarrin veprime të menjëhershme për të ulur tensionet. Shtetet e Bashkuara dënojnë dhunën e papranueshme dje kundër trupave të KFOR-it të udhëhequr nga NATO, forcave të rendit dhe gazetarëve,” duke theksuar se ishte Vendimi i Qeverisë së Kosovës për të detyruar hyrjen në ndërtesat komunale që përshkallëzoi tensionet në mënyrë të mprehtë dhe të panevojshme, gjithsesi shton:

“Kryeministri Kurti dhe qeveria e tij duhet të sigurojnë që kryetarët e zgjedhur të kryejnë detyrat e tyre kalimtare nga lokacione alternative jashtë ndërtesave komunale dhe të tërheqin forcat policore nga afërsia. Presidenti Vuçiç dhe Qeveria e Serbisë duhet të ulin nivelin e gatishmërisë ushtarake të Forcave të Armatosura të Serbisë dhe t’u bëjnë thirrje serbëve të Kosovës që të ndalojnë sfidat ndaj KFOR-it dhe të përmbahen nga dhuna e mëtejshme,” tha Sekretari amerikan i Shtetit, Anthony Blinkenduke përfunduar:

“Si Kosova ashtu edhe Serbia duhet menjëherë të angazhohen në Dialogun e lehtësuar nga BE-ja për normalizimin e marrëdhënieve.”