Bllokimi i rrugës Librazhd-Pogradec, fshati digjet Kryeministri krihet!
Kryeministri Edi Rama u acarua ndaj kritikave që iu bënë pse ai po udhëton me helikopter në Korçë ndërkohë rruga Librazhd-Pogradec vazhdon të jetë e bllokuar madje edhe bypassi që sajuan u shemb; E meqë Batoni nuk i gjeti një vend të dytë ku e gjithë Juglindja është e bllokuar nga bllokimi i një përroni, ai mori celularin dhe fillon të krehet me pamje nga rrjeti social X.
Saliut nuk i vë faj sepse përroin tek Arrat e Gurrës, në fshatin Dragostunjë të Librazhdit, e mbyllën qent e tij që nuk lehin, e për qentë që lehin sqaroi se jo vetëm në Korçë por edhe në Vlorë do shkoj, e arsyeja është e frikshme, Poli i Dijes!
“Në fakt jo vetëm për Korçë, po nga Korça edhe në Vlorë, për të shoqëruar një grup investitorësh me prestigj ndërkombëtar në fushën e arsimit të lartë, e për t’iu prezantuar hapësirat e Polit të Dijes në Korçë dhe të kompleksit të ri në Vlorë, si dy destinacione me potencial për të mikpritur universitete të mirënjohura ndërkombëtare,” tha në reagimin e tij përmes rrjetit social X, Edi Rama, po ku mund ta kuptojnë telendarët, kur Kryeministri i tyre nuk flenë dot gjumë për Polin e Dijes, dije kjo që ku e ku është poshtë në humnerrë duke shikuar nga lartë Palestinën!
Po, po, Palestinën, aty ku sipas renditjes së PISA-s, është katër vende më lartë për nga cilësia se sa Poli i Dijes së Edi Ramës, i cili për të qeverisur shtetin nuk mësoi dot as për 13 vjet, ama për të sharë opozitën dhe për të gjetur ministrat më të korruptuar ndër shqiptarë, i lunë fenë!
Nuk keni parë gjë akoma!
T’fala Sandrit!
Më thonë se qenkan futur në vlim tenxheret politike e mediatike pse unë po udhëtoj me helikopter për Korçë! Në fakt jo vetëm për Korçë, po nga Korça edhe në Vlorë, për të shoqëruar një grup investitorësh me prestigj ndërkombëtar në fushën e arsimit të lartë, e për t’iu prezantuar… pic.twitter.com/asaVv0Sngz
— Edi Rama (@ediramaal) February 23, 2026
Reagimi:
Më thonë se qenkan futur në vlim tenxheret politike e mediatike pse unë po udhëtoj me helikopter për Korçë! Në fakt jo vetëm për Korçë, po nga Korça edhe në Vlorë, për të shoqëruar një grup investitorësh me prestigj ndërkombëtar në fushën e arsimit të lartë, e për t’iu prezantuar hapësirat e Polit të Dijes në Korçë dhe të kompleksit të ri në Vlorë, si dy destinacione me potencial për të mikpritur universitete të mirënjohura ndërkombëtare!
Ata vijnë nga Rinasi në Korçë e pastaj në Vlorë me helikopterin e tyre, ndërsa ne do të përdorim helikopterin e Forcave të Armatosura, i cili me ne ose pa ne, kryen çdo muaj orët e veta të domosdoshme të fluturimit, e në këtë rast i shërben edhe një pune të mirë!
Sa për aksin e bllokuar këto ditë, duhet një ligësi e madhe, një dëshpërim i thellë dhe një padije e rëndë, për t’ia faturuar qeverisë problematikën e një rrëshqitjeje gjeologjike të masivit natyror në anë të rrugës së vjetër, që ka impaktuar edhe aksin e ri, por që ka zero lidhje me ndonjë përgjegjësi profesionale a teknike të projektuesve, zbatuesve apo autoriteteve përkatëse!
Në Itali po rrëshqet gjatë këtyre ditëve një masiv gjigand që rrezikon të marrë me vete një qytezë të tërë të banuar, po nuk ka ndonjë kanal a qoftë edhe portal në atë vend – parti politike jo e jo – që ta trajtojë fatkeqësinë natyrore me histerinë e këtushme, ku ky avaz është bërë një traditë e ligë. Ndërsa për fluturimin tim mbi aksin e bllokuar, kam edhe këto dy fjalë:
E para, i kam rënë Shqipërisë rrotull më shumë se tërë kryeministrat e tjerë të marrë së bashku, qysh nga krijimi i shtetit shqiptar dhe e kam prekur këtë vend në çdo qoshe, jo si turist, po si kryeshërbëtori i zgjedhur i shqiptarëve, të cilët i çmoj më shumë se çdo telendar politik a mediatik dhe më njohin më mirë se kushdo prej tyre, prandaj edhe më kanë votuar gjithnjë e më masivisht, duke i shpërfilluar rregullisht tenxheret medatike e dallaveret politike!
E dyta, me aks të lirë a me aks të bllokuar, ky fluturim me helikopter ishte planifikuar kohë më parë, pikërisht sepse grupi që vjen do të shohë Korçën, Vlorën e nesër Tiranën në vetëm 24 orë qëndrimi në Shqipëri.
Por fundja çfarëdo të them unë, tenxheret do të thonë atë që kanë për të thënë dhe në fund fare, karvani do ecë përpara, qentë do vazhdojnë të lehin, veprat do jenë të vetmet që do të mbeten.
