Bllokohen punimet e Kryesisë Parlamentit të Kosovës, Lista Srpska vendos si Beogradi 80 vjet më par!
Kur u shpall pavarësia e Kosovës në vitin 2008 partitë politike shqiptare e keqkuptuan mesazhin ndërkombëtar, që të shikojnë përpara dhe të mos merren me të kaluarën, duke e fshirë kujtesën nga e gjitha ajo çfarë kishte ndodhë para 17 shkurtit historik!
Ndryshe nuk do të ndodhte ajo që po ndodhë nga 9 shkurti i këtij viti dhe shqiptarët po lejojnë të përsëritet atë që bëri Beogradi me Vendimet e Konferencës së Bujanit mbajtur më 31 dhjetor 1943 e deri me 2 janar 1944, duke e bërë nul edhe të drejtën e qytetarëve të Kosovës për të drejtën e vetëvendosjes më 27 korriK 1945 në Kuvendin e Prizrenit.
Sot, Parlamenti i Kosovës me Kryetarin dhe katër Nënkryetar të zgjedhur, nuk zhvilloi mbledhjen e Kryesisë ndonëse ka shumicën, sepse Lista Srpska, pra, Beogradi, ka bllokuar zgjedhjen e Nënkryetarit të pestë!
Pse Lista Srpska saboton institucionet e Kosovës kjo nuk ka nevojë për spjegim, por, pse PDK dhe LDK iu bashkuan këtij sabotimi kjo aktualisht është e paqartë ndonëse lideri i më i zëshëm ldk-istë i referohet shkeljes së Kushtutetës në procedurën e votimit të Nënkryetarit serb, Lumir Abdixhiku nuk i drejtohet Gjykatës Kushtetuese të paktën të bëjë gjumë të qetë pas gjithë atij sikleti serb që ka marrë mbi supe!
Kryetari i Parlamentit, Dimal Basha, ka sqaruar se për shkak të mungesës së kuorumit, ku kanë munguar Vlora Çitaku e PDK dhe Kujtim Shala i LDK, mbledhja nuk është mbajtur, ndërsa ka sqaruar se të gjithë anëtarët e Listës Srpska janë vënë në votim në mbledhjen konstituive dhe asnjë si ka marrë votat.
“Unë si kryetar është dashur ose t’i ndalojë punimet ose të vazhdojë punën. Unë kam vlerësuar që Kuvendi nuk duhet të mbetet jofunksional për shkak të moszgjedhjes së një nënkryetari. Unë kam përgjegjësi ta funksionalizojë Kuvendin.
Për mua nuk ka logjikë që të bllokohet Kuvendi i Republikës për mosgjedhjen e një nënkryetari,” tha Dimal Basha i bindur për veprimin e drejtë ndërsa bëri të ditur se kishte zhvilluar një takim njoftues me Presidenten Vjosa Osmani.
“Presidentja nuk ka dhënë mendim. Ajo vetëm se ka dëgjuar arsyetimin tim për seancën konstituive”, tha Basha për gazetarët.
Ndryshe, Presidentja e Kosovës duhet të mandatojë partinë ose koalicionin fitues për formimin e Qeverisë pas konstituimit të Parlamentit, proces i cili siç u dëshmua sot, do të përfundoj kur të vendos Beogradi.
