Bllokohet rruga në Rudare, dëgjohen sirena në veri të Mitrovicës

Ndonëse Presidenti i Serbisë, Aleksandar Vuçiç, ka paralajmëruar se për shkak të situatës në Kosovë sot do ti drejtohet kombit në orën 19:00, Drejtori i tij për Kosovën, Petar Petkoviç, siç duket ka dalë për ti mbajtur serbët nën tension, duke deklaruar se në vendkalimin kufitar Jarinje sot është arrestuar ish pjesëtari i Policisë së Kosovës, Dejan Pantiç.

Të gjithë ata që shpërfillën daljet publike të Petar Petkoviçit, kishin rastin të shohin sot në orët e pasdites lindjen e një krimineli të ri serbë nga radhët e Vuçiçit, me reagimin e serbëve në veri të Kosovës me sirena dhe bllokim të rrugëve.

Qytetarët serbë në veri kanë filluar të mblidhen në Rudare, në afërsi të Zveçanit. RFE raporton duke ju referuar informatave nga vendi i ngjarjes, se aty janë parë burra të maskuar dhe gra. Arsyeja e mbledhjes ende nuk është bërë e ditur, por informacion flasin për një arrestim në veri, të cilin e konfirmoi dhe Drejtori për Kosovën në Qeverinë e Serbisë, Petar Petkoviç

Ndryshe, Rudare nuk është vend i panjohur për qytetarët shqiptarë të Kosovës dhe ndërkombëtarët, aty ku janë ngritur barrikada të shumta nga serbët lokalë sa herë që Serbia dhe Aleksandar Vuçiç kishte probleme me kushtet e integrimit në Bashkimin Europian.

Meqë lufta në Ukrainë ka ndryshuar sjelljen e Perëndimit edhe ndaj Serbisë dhe kriminelëve serbë, duke mos i trajtuar më si çelësi i paqes në Ballkan, siç duket ky mund të jetë dhe manipulimi i fundit që bënë me këta qytetarë të mjerë serbë, një President i Serbisë dhe onturazhi i tij, që së fundi i gënjyen dje se do të kthehen edhe me forcat serbe në Kosovë!