Bluzat e bardha pa Edi Ramën, Basha: “Doktorët do marrin 1200 euro dhe…”

Kryetari i Partisë Demokratike, Lulzim Basha, gjatë fjalës së tij në Konferencën rajonale mbi Sistemet Shëndetësore, Vizionin dhe Sfidat, të organizuar nga Fondacioni Konrad Adenauer në Tiranë, foli dhe për planin e opozitës dhe trajtimin e bluzave të bardha kur Edi Rama të mos jetë më Kryeministër dhe PD të vijë në pushtet ndërsa premtoi pagën minimale për doktorët 1200 euro dhe atë të infermierëve 700 euro.

“Rrogat më të ulëta në rajon.  Rrogat më të larta nuk kapin as gjysmat e rajonit. Mjekët dhe infermierët përpiqen t’u shërbejnë  qytetarëve, por po e bëjnë shërbimin  si në spitale lufte. Spitalet e rretheve kanë mbetur vetëm në godina. Shërbim shëndetësor  është i varfër, pak mjekë dhe pak ilaçe.

Këto probleme nuk zgjidhen sa hap dhe mbyll sytë, por kemi nisur  një diskutim me të gjitha grupet për të hartuar politikat e duhura dhe përmirësimin e sistemit shëndetësor.  Me ardhjen e PD në pushtet paga minimale e doktorëve do të arrijë 1200 euro në muaj dhe për infermerët në 700 euro në muaj. Ky është realiteti në Kosovë. Ky është synimi  dhe objektivi. Këto do të jenë pagat minimale në sektorin shëndetësor.  Unë zotohem sot këtu para jush se këtë objektiv do ta bëjmë realitet”-shtoi Basha.”

Dhe jo vetëm kaq! Situata është alarmante dhe ajo vetëm sa shkon e përkeqësohet”

“Shëndetësia në Shqipëri renditet e fundit në Ballkan. Sistemi shëndetësor në Shqipëri është primitiv. Në tre vitet e fundit Shqipëria renditet e fundit për cilësinë në shëndetësi. Treguesit kanë ardhur në përkeqësim që në 2013. Financimi është më i ulëti,janë rritur  shpenzimet e PPP-ve. Në radhë të parë këtu vendoset se çfarë do të vidhet sa do vidhet dhe kush e vjedhë në hesap të kujt.”

Mos të flasim  pastaj për Check-Up, i cili na i nxjerrë burrat me barrë dhe gratë me probleme me prostatën.

Sektorin e farmaceutikës, kryetari i PD, Lulzim Basha e vlerësoi si njërin ndër sektorët me korruptiv në Shqipëri e madje edhe në Ballkanib Perëndimor ndërsa foli për arsyet pse ai është në kolaps:

“Sektori i farmaceutikës në Shqipëri dhe Ballkan ka njohur një korrupsion të madh në këto vite. I gjithë sistemi është në kolaps, sepse ka asgjësuar perspektivën e zhvillimit të paktën për momentin. Dua të them se krijimi i monopoleve gjigande private të financuara prej buxhetit ka futur në kolaps institucionet shëndetësore. Gjendja në spitale është katastrofike. Ka mungesa medikamentesh. Mungesat nuk kanë fund, marrin përmasa afrikane të Afrikës qendrore siç është mungesa e paracetamolit në urgjencat.”