Boçi denoncon skandalin e Ministrisë së Arsimit: Ja si po pengohen maturantët të studiojnë jashtë…
Deputeti demokrat Luçiano Boçi ka denoncuar skandalin e fundit në Ministrinë e Arsimit, ku maturantëve që duan të studiojnë jashtë shtetit po u nxirren qindra pengesa me synimin e vetëm që t’i dërgojnë tek universitetet private brenda vendit.
“Ministria e Arsimit sorrollat paturpësisht maturantët që kërkojnë të ndjekin studimet në vendet e BE. Kalvari nuk mbaron. Nga Ministria e Arsimit në DAR, nga DAR tek Ministria e Jashtme e pastaj përsëri prapaktheu. Tamam zbor.
Shqetësimi vjen nga vetë prindërit që kërkojnë të rregjistrojnë fëmijët e tyre në Gjermani.
Afati i fundit është data 15 korrik dhe zyrtarët e Ministrisë kërkojnë të dështojnë dëshirën e maturantëve. Qëllimi i ministrisë është banal. i shohin si klientë “me lekë” që “paguajnë” e kësisoj të mund t’i devijojnë drejt “të akredituarve” me….aspirina!
Ministrisë së falimentuar të arsimit i kërkojmë të mos pengojë së paku prindërit të realizojnë dëshirën e tyre por dhe dhimbjen e tyre njëkohësisht, për largimin nga e keqja që e ka kapluar këtë vend, të fëmijëve të tyre”, shkruan Boçi.
