Bojkoti i opozitës nuk e pengon, Marta Kos: Mali i Zi i pari në radhë për anëtarësim në BE
Komisionerja Evropiane për Zgjerim, Marta Kos, përveç se konfirmoi për televizionin publik malazez, RTCG, se Mali i Zi është i pari në radhë për t’u bërë anëtari i ardhshëm i Bashkimit Evropian, i mbylli gojën gjithë idiotave të Edi Ramës se lideri i opozitës Sali Berisha po bllokon rrugën e Shqipërisë në BE, duke e bërë të qartë se pavarësisht që opozita në Mal të Zi po bojkoton edhe Komisionet Parlamentare, për Brukselin zyrtar mjafton që ky nuk është projekt i qeverisë ndërsa sondazhet flasin se 70 për qind e qytetarëve janë për anëtarësim në BE!
E pyetur nëse Mali i Zi është ende i pari në radhë për t’u bërë anëtari i radhës pasi Islanda po kthehet në lojë, ajo tha se ai vend do të ketë një referendum në muajin gusht dhe se pyetja është nëse ata duan të kthehen në BE.
“Nëse po, atëherë kemi një situatë specifike, sepse ata kanë pak punë për të bërë, por Mali i Zi është ende në vendin e parë, vetëm ju po bëni punën tuaj,” tha Komisionerja për Zgjerimin e BE-së dhe ndryshe nga Shqipëria kur opozita bojkotonte parlamentin, në rastin e Malit Zi kur opozita la komisionet parlamentare ndërsa DNP la edhe qeverinë për shkak të miratimit të Ligjit për Punët e Brendshme dhe Ligjit për Agjencinë e Sigurisë Kombëtare, Marta Kos tha se është gjithmonë më mirë kur politikanët bien dakord por për Brukselin nuk është problem përderisa ky bojkot nuk është projekt i Qeverisë.
“Paqëndrueshmëria politike nuk është e mirë, por nuk është një projekt i Qeverisë apo i Parlamentit, por për shkak të 70 për qind e më shumë e njerëzve në vendin tuaj që duan të hyjnë në BE, është një përgjegjësi e madhe të punosh për të.
Kur Sllovenia ishte në ato negociata, të gjitha palët ranë dakord se do të bashkëpunonin dhe jo të luftonin kundër njëra-tjetrës, dhe ne ishim më të shpejtë atje. Duhet të ketë një debat, por kur bëhet fjalë për një projekt kaq të rëndësishëm, atëherë duam që të gjithë ju të bashkëpunoni sepse është i rëndësishëm. Është e qartë se është projekti numër një,” tha Marta Kos ndërsa përsëriti se Komisioni Evropian është e kënaqur me ritmin e reformave të zbatuara nga Mali i Zi.
“Tani jeni në fazën përfundimtare dhe të gjitha përpjekjet tuaja po sjellin rezultate. Megjithatë, ka shumë punë përpara dhe duhet të përfundoni të gjitha kapitujt dhe ka shumë prej tyre dhe duhet të bëni gjithçka në një mënyrë gjithëpërfshirëse. Duhet të miratoni të gjitha reformat dhe një gjyqësor i pavarur që do të luftojë korrupsionin duhet të jetë aty. Është shumë inkurajuese që keni arritur këtë.”
Ndryshe, pas intervistës së Komisioneres për Zgjerimin e BE, Marta Kos, për revistën e Brukselit “Politico”, shumë spiunë të UDB-së në Tiranë u ngritën për të mbrojtur kolegen e saj në Lublanë dhe për të akuzuar liderin e opozitës shqiptare, Sali Berisha, se me propagandën e tij po pengon anëtarësimin e Shqipërisë në BE.
Ja, pra, jo propaganda por as bojkoti parlamentar i opozitës nuk e pengon Brukselin zyrtar që ta anëtarësoj një vend në Bashkimin Evropian, kur gjykon se qeveria e atij vendi i ka kryer si duhet detyrat që i janë dhënë!
