“Bombë në ambasadën sovjetike”, të Përndjekurit Antikomunistë nesër homazhe në nderim të 22 martirëve

Në nderim të 22 martirëve antikomunistë të Masakrës së “Bombës në amabasdën sovjetike”, Shoqata Antikomuniste e të Përndjekurve Politikë nesër në ora 11:30, në Varrezat e Dëshmoreve në Tiranë, do të bëjë homazhe.

Ndryshe, Shoqata Antikomuniste e të Përndjekurve Politikë ka dorëzuar më 26 Shkurt të vitit 2018 një kallëzimin te Prokuroria e Krimeve të Rënda për gjenocid dhe krime kundër njerëzimit, për 22 të pushkatuarit pa gjyq pas bombës më 19 shkurt 1951 në Tiranë.

Deri më tani prokuroria nuk ka ndërmarrë asnjë hap ligjor, nuk ka kthyer asnjë përgjigje me gjithë këmbënguljen zyrtare e publike të Shoqatës Antikomuniste të Përndjekurve Politikë e cila në këtë përvjetor i bënë thirrje prokurorisë të zbatojë ligjin dhe nis hetimit për padinë e depozituar ndërsa përfundon:

Bëhet fjalë për krime të rënda, krime kundër njerizimit dhe gjenocid.

Nuk harrojmë!

Ditën e mërkurë,datë 26 shkurt 2020,ora 11.30 në Varrezat e Dëshmoreve në Tiranë do të bëjmë homazhe në nderim të 22 martirëve antikomunistë të Masakrës së “bombës në amabasdën sovjetike”, në vitin 1951

Nderim në jetë të jetëve martirëve tanë antikomunistë!

Shoqata Antikomuniste e të Përndjekurve Politikë