Bondsteel s’është në pazarin e gjësë së gjallë!
I dërguari amerikan për misione të veçanta, Richard Grenell, sërish trazoi ujërat në Kosovë dhe sërish në prag të zgjedhjeve parlamentare duke akuzuar pretendentin kryesor për Kryeministër, Albin Kurtin, dhe Qeverinë e tij se nuk është e besueshme! Benzinë këtij zjarri i hodhën edhe batonët dhe buzhalët me mediat e tyre partnere duke paralajmëruar mbylljen e Kampit Bondsteel dhe largimin e ushtrisë amerikane nga Kosova nëse Kryeministër sërish bëhet Albin Kurti!
Reagimin e Richard Grenellit, Albin Kurti nuk mund ta kuptoj aq më shumë pasi erdhi pas disa deklaratave të Kurtit në takimet elektoral ku tha se Qeveria e tij, si asnjë tjetër, i ka pasur marrëdhëniet më të mira me SHBA-në dhe shteti i Kosovës kurrë nuk ka përfituar nga bashkëpunimi me SHBA-në sikurse që ka përfituar Qeveria e tij në mandatin 4 vjeçar, dhe, kërcënimi i batonëve dhe buzhalëve tashmë i përsëritur me mbylljen e kampit amerikan nuk mund t’i shkoi nëpër mend jo një Kryeministri të Kosovës por asnjë injoranti që merret me politik në Ballkan, nga Milorad Dodik deri tek Edi Rama! Pse?!
Besueshmëria në Ballkan
Para se ta hap gojën Richard Grenell, nuk ka kosovarë që nuk është i qartë se pa Amerikën, Kosova nuk do të ishte kurrë shtet!
Por, edhe pa e hap gojën Grenell, nuk ka kosovarë që nuk është i qartë se nuk është Albin Kurti me besimin më të ulët amerikan në Ballkan!
Për brishtësinë e shtetit të Kosovës kanë ndikuar shumë faktorë, njëri ndër ta mund të jetë dhe Albin Kurti, por, për besueshmërinë ndaj Amerikës në Ballkan, për periudhën për të cilën foli Richard Grenell, nga presidentët Clinton, Bush, Obama, Biden dhe Trump, më pak besueshmëri se Kurti kanë që të gjithë protagonistët politik duke përfshirë dhe vetë Grenellin që aktualisht për partnerë ka vetëm kriminelë lufte serbë dhe trafikant droge shqiptarë!
Nëse i besueshëm është ish-ministri i kriminelit serb Slobodan Milosheviç, sot President i Serbisë, Aleksandar Vuçiç, vetëm pse të varë në qafë një dekoratë të lartë dhe të jep një leje ndërtimi për një hotel në qendër të Beogradit, atëherë botëkuptimin me besueshmërinë e paska shumë problem Richard Grenell.
Nëse kësaj i shtojmë dhe faktin se Vuçiç është njeriu më i besueshëm i Presidentit të Rusisë në Ballkan që deri në momentin që po flasim është i vetmi që nuk i ka vu sanksione, atëherë vlerësimi për “më të pabesueshmin në Ballkan” e humb edhe kuptimin!
Pastaj, nëse në këtë shije diplomatike të Grenellit, krimineli Milorad Dodik konsiderohet partner i Amerikës dhe zë be gjithë ditën në Vladimir Putinin, atëherë këtë nivel partneriteti Albin Kurti nuk e bënë për shumë arsye!
Dodik edhe sot është i gatshëm për spastrimin etnik të tokës serbe nga boshnjakët edhe me çmimin e luftës, mosdorëzimin e kriminelëve serb të luftës, veriun e Kosovës pa shqiptarë deri në kthimin e ushtrisë serbe në Kosovë, ose siç thotë ai, çlirimin nga pushtuesi, Perëndimi!
Nëse edhe në ditët pas zgjedhjeve të 9 Shkurtit, Grenell vërtetë mendon kështu, le ta gëzoj Milorad Dodikun, sepse jo Albin Kurti por asnjë politikan shqiptar në Kosovë nuk vret boshnjak dhe jo vetëm, nuk e do veriun e Kosovës pa shqiptarë dhe nuk angazhohet për kthimin e ushtrisë serbe në Kosovë!
Dhe, pa harruar besueshmërinë e shumë miqëve në Kosovë dhe Shqipëri që thotë se ka Grenell, dhe shumë miq në Serbi dhe në mbarë rajonin.
Si është e mundur që e gjithë lista e miqëve të Richard Grenellit në Ballkan është dhe lista e miqëve të Alex Sorosit, edhe pse tashmë Grenell është i dërguar i Presidentit amerikan Donald Trump i cili armikun e përbetuar e kishte dhe e ka vetëm një, babain e Alexit, George Soros!
E kur është fjala tek batonët dhe buzhalët me mediat që i shërbejnë Grenellit në Kosovë, që të gjitha pa dallim race e feje ishin të paguara nga Soros, e luftojnë Albin Kurtin në çdo hap, dhe nuk e humbin nivelin e besueshmërisë në sytë e Ruchard Grenell!
Këtu renditet dhe Edi Rama, i besueshëm për Richard Grenellin edhe pse kanabizoi Shqipërinë, siç tha Zv/Kryeministri i tij, Arben Ahmetaj, me urdhër të tij, për të rritur mirëqenien shqiptare! Apo, tashmë është i besueshëm sepse si gjë e gjallë hamendësonte t’a fus në pazar Sazanin për një bazë ushtarake të NATO-s por nuk e pati për gjë ta fal për hotelin e Grenellit!
Në fund, në luftën për besueshmërinë e Kryeministrit të Kosovës dhe akuzat ndaj USAID, Richard Grenell i bëri pa dashje një shërbim të madh Kryeministrit Albin Kurti duke publikuar listën e donacioneve nga kjo organizatë në Ballkan, ku Kosova kryeson me 537 milionë dollarë! Vërtetë faqja e USAID u mbyll, por projektet e saj në Kosovë vazhdojnë të jenë publike në rrjetin social Facebook ku mund të shihet qartë se nga gjithë projektet milionëshe se vetëm dy i dedikohen Qeverisë, dhe aty Albin Kurti qëndron vetëm si i ftuar!
Pra, nëse USAID është organizatë kriminale, siç e ka cilësuar Qeveria amerikane dhe Presidenti Trump, në Kosovë krim ka bërë vetëm kundër Qeverisë Kurti, dhe nga një vëzhgim i këtyre projekteve merrë dhe përgjigjen se cilat pushtete lokale janë ndihmuar, pse Albin Kurti humbi aq rëndë në zgjedhjet lokale dhe miqtë aktual të Grenellit janë përfituesit më të mëdhenjë të këtyre fondeve! Se ku përfunduan 537 milionë dollarë vërtetë duhet të hetohet sepse edhe në Kosovën ku janë shpërndarë me vrullin revolucionar të Sorosit, duhet sqaruar pse në Kosovë nuk arriti kjo shumë që zyrtarisht thuhet se është dërguar në Kosovë!
Bondsteel
Ata që Richard Grenell i quan miqë në Kosovë dhe Shqipëri dhe që nuk janë asgjë më shumë se gjë të gjalla që bëjnë pazar me gjithçka, në çdo tension ku akuzohet Albin Kurti si fajtor, dalin dhe flasin në media mbi tërheqjen e forcave amerikane dhe mbylljen e Kampit Bondsteel.
Fillimisht duhet thënë se Albin Kurti ka bërë shumë shkarje gjatë deklaratave të tij të ngarkuara me diplomaci ndërkombëtare por asnjëherë nuk ka shkuar deri në atë pikë çmendurie që të mendoj se ai është faktor nëse do të mbyllet Bondsteel ose jo; Dhe, nëse do të ikin ushtarët amerikanë nga Kosova ose jo, varet nga vendimet e tij!
Por, çuditërisht mbylljen e këtij kampi amerikan dhe largimin e ushtarëve amerikanë, Armata e Sorosit në Kosovë që sot Grenell thotë se i ka miqë, e kishte gjithmonë si paralajmërimin e parë në katapultin e tij mediatik!
Fillimisht kjo ka zhvlerësuar dhe rrezikun e mundshëm nga tërheqja amerikane, dhe, sot, pavarësisht se nga Grenell me shokë është menduar se do të ketë ndikim edhe në zgjedhjet e 9 Shkurtit, ai është baraz me zero. Madje, në nivel shumë më të lartë, elektorati në Kosovë sot i përcepton rreziqet kur dalin nga goja e ca asqerëve që nuk largohen nga ekranet edhe kur është e qartë se në emër të kujt flasin!
Duke pasur parasysh situatën e krijuar gjeopolitike në Evropë, ndikimin rus në Ballkan dhe shtetet anëtare të NATO-s përreth kampit Bondsteel, qytetarët e Kosovës tashmë e kanë të qartë se ky kamp amerikan nuk është në pazarin e gjësë së gjallë!
Sikur edhe të përmbyset gjithçka dhe të krijohet një rend i ri botëror me lëvizjet e Presidentit Trump, prezenca amerikane në Ballkan do të jetë edhe më e rëndësishme duke pasur parasysh dhe interesat e aleatëve amerikanë.
Nostalgjikët sovjetik mund të ëndërrojnë kot praninë ruse ose dhe kineze që nuk humb asnjë sekondë për të krijuar folenë e saj në këtë rajon, por batonët dhe buzhalët duhet ta kenë të qartë se çdo lëvizje strategjike e Amerikës por jo pse u pengua nga Albin Kurti, vetëm mund ta ndryshoj menaxherin e Kampit Bondsteel por jo ta detyroj fuqinë ma të madhe në botë t’i hap krahun ushtrisë ruse e aq më pak kineze, dhe ta mbyll duke u larguar nga Ballkani!
Nëse bie vendimi i ndryshimit të menaxherit të Kampit Bondsteel, batonët dhe buzhalët mund të hajnë samun me suxhuk me Richard Grenellin, por para se ta kafshojnë suxhukun nuk duhet të harrojnë se është Turqia aleatja e Trumpit më e interesuara që mund të vazhdoj vijimësin e një rajoni të sigurt.
Si do të vijojë më tej, po, këtu mund t’ju ndihmoj Alex Soros si Ramës dhe Vuçiçit ashtu batonëve e buzhalëve me mediat që financoj, sepse në rrethana krize sorosët janë më produktiv dhe gjejnë shtetin ku mund të zhvendosen me projektet e tyre shumëngjyrëshe!
