Bordi i Mitrovicës, diskutohen projektet e infrastrukturës dhe transporti publik

Ministri në detyrë i Administrimit e Pushtetit Lokal, Elbert Krasniqi, që është edhe kryesues i Bordit të Mitrovicës, ka mbajtur sot takimin e radhës së këtij Bordi ku është bërë vlerësimi mbi projektet infrastrukturore të cilat janë në përfundim e për të diskutuar mbi propozimet e anëtarëve të këtij Bordi.

“Me fillim të shtatorit, mbajtëm takimin e radhës së Bordit të Mitrovicës, për të bërë vlerësimin mbi projektet infrastrukturore të cilat janë në përfundim e sipër si dhe për të diskutuar për çështje të cilat janë propozuar nga anëtarët e Bordit dhe të cilat janë me interes për qytetarët duke përfshirë hapësirat e reja për qytetarët, transporti publik, qentë endacak dhe çështje të tjera të cilat prekin drejtpërdrejt mirëqenien e qytetarëve,” ka bërë të ditur Elbert Krasniqi.

Takimi i parë i këtij Bordi është mbajtur më 12 qershor, një ditë pasi Krasniqi me vendim të kryeministrit në detyrë, Albin Kurti ishte caktuar në krye të tij.

Në vendimin qeveritar për këtë Bord thuhej se i njëjti bazohej në Kushtetutën e Kosovës, Ligjin për Kufijtë Administrativ të Komunave i plotësuar e ndryshuar me Ligjin për plotësimin e ndryshimin e ligjeve që kanë të bëjnë me përfundimin e mbikëqyrjes ndërkombëtare të Pavarësisë së Kosovës,