“Bordi i Paqes”, Italia gati të stërvitë forcat policore në Gaza

Italia është e gatshme të ndihmojë në trajnimin e forcave policore në Gaza dhe territore të tjera palestineze, tha sot Ministri i Jashtëm Antonio Tajani, duke theksuar se Roma po përpiqet në këtë mënyrë të kontribuojë në stabilizimin e Lindjes së Mesme. “Ne jemi të gatshëm të trajnojmë forcën e re policore të Gazës dhe jemi gjithashtu të gatshëm të trajnojmë forcën policore palestineze”, tha Antonio Tajani, raporton Agjencia e lajmeve Reuters.

Roli në iniciativën e paqes
Antonio Tajani konfirmoi se Roma është e gatshme të marrë pjesë si vëzhguese në iniciativën e Bordit të Paqes të Presidentit të SHBA-së Donald Trump dhe se Italia është ftuar në takimin e këtij Bordi që do të mbahet këtë javë në Washington.