Bordi i Përbashkët i Mitrovicës, Kurti në takimin e parë: Kanë mbështetjen time!

Sot është objektin e ministrisë për Administrimin e Pushtetit Lokal, në Mitrovicë të Veriut është mbajtur takimi i parë i Bordit të përbashkët të Mitrovicës së Jugut dhe Mitrovicës së Veriut, nën drejtimin e kryesuesit të këtij Bordi, ministrit Elbert Krasniqi.

Kryeministri në detyrë, Albin Kurti, i cili ka emëruar drejtuesin e këtij Bordi, ka falënderuar të dy kryetarët, atë të Mitrovocës së Jugut, Bedri Hamza dhe Erden Atiqin e Mitrovicës së Veriut për propozimet e anëtarëve të Bordit.

“Eshtë kënaqësi dhe nder që jetë prezent me rastin e formalizimit të një të detyre të rëndësishme siç është Bordi i Përbashkët. Falënderoi Kryetarin e Komunës së Mitrovicës së jugut, Bedri Hamza dhe Kryetarin e Mitrovicës së Veriut, Erden Atiq për propozimet e tyre për anëtarë të këtij Bordi. Anëtarët i uroi për detyrën e re dhe u dëshiroi shumë suksese dhe punë të mbara e të mira, dhe zotohem për mbështetje të plotë përballë sfidave që mund të keni,” tha Kryeministri në detyrë i Kosovës duke vlerësuar se Bordi i Përbashkët Funksional ka një rëndësi të veçantë për bashkëpunimin e ngushtë ndërmjet dy komunave.

Ndryshe, Bordi i përbashkët i Mitrovicës së Jugut dhe Mitrovicës së Veriut parashikohet në Ligjin për Kufijtë Administrativ të Komunave.

Përmes bashkërendimit në fusha kyçe si infrastruktura, mjedisi, zhvillimi ekonomik dhe shërbimet komunale, ky Bord do të ofrojë një mekanizëm konkret për realizimin e projekteve të përbashkëta dhe ndërtimin e besimit reciprok, ka sqaruar Zyra e Kryeministrit duke përfunduar:

“Me pjesëmarrje të barabartë nga të dy komunat dhe nën kryesimin e përfaqësuesit të Kryeministrit, ky bashkëpunim është dëshmi e përkushtimit ndaj interesit të të gjithë qytetarëve, pa asnjë dallim.”