Bordi i Talljes me Qytetarët ul çmimin e naftës dhe gazit me 1 lekë

Që nga dita e themelimit, askush nuk e kuptoi arsyen e Kryeministrit Edi Rama pse krijoi Bordin e Transparencës, por sot kur çmimi i naftës në bursë është në nivelet e para luftës së Ukrainës dhe Bordi vazhdon e tallet me shqiptarët duke e ulur çmin e naftës me 1 lekë, dhe vendos ta mbajë çmimin 220 lekë për litër, kjo nuk ka më koment.

Por talljen nuk e ndalon te nafta, edhe gazi do të tregtohet 1 lekë me pak, me 80 lekë/ litri nga 81 lekë nga vendimi i datës 2 gusht.

Për ti mbajtë aktiv në rrjetet sociale, patronazhistët dhe hyzmeqarët socialistë të Qet Kastratit, Bordi vendosi ta ul benzinën me 8 lekë, dhe ajo do të tregtohet me 199 lekë për litër nga 207 lekë sa ishte më parë.

Ndryshe, çmimet e caktuara nga Bordi do të hynë në fuqi sot datë 6 Korrik ora 18.00 dhe do të jenë të vlefshme deri në mbledhjen e ardhshme të Bordit.

Njoftim:

Bordi i Transparencës në datë 6 Gorrik 2022, në mbledhjen e radhës vendosi:

-Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 220 lekë/litri, ndërsa i shitjes me shumicë jo më shumë se 208 lekë/litër.

-Çmimi i shitjes me pakicë i nënproduktit benzinë e standardit SSH EN të jetë jo më shumë se 199 lekë/litri,ndërsa i shitjes me shumicë jo më shumë se 187 lekë/litër.

-Çmimi i shitjes me pakicë i nënproduktit gaz, të jetë 80 lekë/litri me pakicë dhe i shitjes me shumicë 68 lekë/litër për automjetet.

Çmimet e caktuara nga Bordi do të hynë në fuqi sot datë 6 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.