Bordi i Transparencës kthehet në identitet, rritet çmimi i naftës me 10 lekë, benzina me 8 lekë 

Pa kaluar 24 orë nga vendimi i Bordit të Transparencës kur uli çmimin e naftës me 4 lekë, me vendimin e ditës së sotme duke u kthyer në identitet dëshmoi atë që din të bëjë më së miri, rritjen e çmimit.

Kështu, me vendimin e fundit të Bordit, nafta do të tregtohet me 229 lekë për litër nga 219 lekë sa ishte ndërsa benzina do të tregtohet me 203 lekë për litër nga 195 lekë sa ishte me vendimin e djeshëm.

Ndërkohë çmimi i gazit mbetet i pandryshuar dhe do të tregtohet me 78 lekë për litër.

Ndryshe, vendimet e Bordit të Transparencës kanë hyrë në fuqi nga ora 18:00 e datës 29 shtator 2022, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Njoftim:

-Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 229 lekë/litri, ndërsa i shitjes me shumicë jo më shumë se 217 lekë/litër.

-Çmimi i shitjes me pakicë i nënproduktit benzinë e standardit SSH EN të jetë jo më shumë se 203 lekë/litri, ndërsa i shitjes me shumicë jo më shumë se 191 lekë/litër.

-Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.

Çmimet e caktuara nga Bordi do të hynë në fuqi sot datë 29 shtator ora 20:00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.