Bordi i Transparencës me çmime të reja për karburantet

Bordi i Transparencës sot ka ardhur me çmime të reja për tregtimin e karburanteve, duke ulur naftën me 5 lekë për litër ndërsa benzinën me 1 lek për litër.

Kështu nafta do të tregtohet me 240 lekë për litër ndërsa benzina 203 lekë për litër.

Gazi sërish është rritur me 1 lek, duke u rikthyer në çmimin historik, 78 lekë për litër.

Ndryshe, vendimet e Bordit të Transparencës kanë hyrë në fuqi nga ora 18:00 e datës 12 Tetor 2022, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Njoftimi:

-Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 240 lekë/litri, ndërsa i shitjes me shumicë jo më shumë se 228lekë/litër.

-Çmimi i shitjes me pakicë i nënproduktit benzinë e standardit SSH EN të jetë jo më shumë se 203 lekë/litri, ndërsa i shitjes me shumicë jo më shumë se 191 lekë/litër.

-Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.

-Çmimi i shitjes së gazoilit për peshkim, referuar Ligjit 9975, “Për taksat Kombetare”, në nenin Neni 9 dhe 10 , përjashton nga pagimi i taksave kombëtare dhe akciza këtë sector. Referuar metodologjisë së përcaktuar në aktin normativ, cmimi i shitjes së gazolit për peshkim rezulton: Shumica = 146 lekë/litri; Pakica = 158 lekë/litri.

Çmimet e caktuara nga Bordi do të hynë në fuqi sot datë 12 Tetor shtator ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.