Bordi i Transparencës shikon protestën dhe ul çmimet e karburantit

Në momentin që Qeveria e Edi Ramës konstatoi një pjesëmarrje masive në protestën e organizuar nga opozita, përdori Bordin e Transparencës për ti bërë me dije qytetarëve se ai funksionon normalisht dhe e ka mendjen tek ai, ndonëse të gjithë tashmë e kanë të qartë e është shumë më kriminal se Kryeministri!

Për 24 orë, ky Bord duke lëvizur ashtu siç afrohej ora e protestës dhe masiviteti në këtë organizim opozitar, ai vendosi të ul çmimet e karburantit për dy herë, dhe më komik e bënë këtë vendim edhe fakti se ai hynë nesër në fuqi në orën 12:00.

Kështu, nafta do të tregtohet me 223 lekë për litër, nga 227 lekë që ishte në vendimin e fundit ndërsa benzina do të tregtohet me 209 lekë për litër, nga 210 lekë që ishte më parë.

Ndërsa çmimi i gazit sërish ngelet i pandryshuar, 74 lekë për litër.

Ndryshe, çmimet e caktuara nga Bordi hynë në fuqi nesër datë 13 Nëntor, ora 12:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftim:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 223 lekë/litri, ndërsa i shitjes me shumicë jo më shumë se 211 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 209 lekë/litri, ndërsa i shitjes me shumicë jo më shumë se 197 lekë/litër.

Çmimi i shitjes me pakicë i nënproduktit gaz, të jetë 74 lekë/litri me pakicë dhe i shitjes me shumicë 62 lekë/litër për automjetet.

Çmimi i gazoilit për peshkim është vendosur  130 lekë/litër.

Çmimet e caktuara nga Bordi do të hynë në fuqi në datë 13 Nëntor, ora 12.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.