Bordi i Transparencës ul çmimet e karburantit

Vendimi i djeshëm i Bordit të Transparencës që hyri në fuqi në orën 12:00, nuk e hamendësoi këtë Bord “të zellshëm” të Edi Ramës, tashmë në sezonin e protestave të opozitës, të ul sërish çmimin e karburantit me një vendim i cili hynë në fuqi sot në oën 18:00.

Kështu, me vendimin e ri të Bordit të Transparencës. nafta ulet për 3 lekë dhe do të tregtohet me 218 lekë për litër ndërsa benzina do të tregtohet me 200 lekë për litër nga 204 lekë sa ishte me vendimin e djeshëm.

Ndërkohë rënie ka shënuar edhe gazi, i cili do të tregtohet me 71 lekë për litër nga 73 sa ishte me vendimin e djeshëm.

Ndryshe, çmimet e caktuara nga Bordi hynë në fuqi nesër datë 18 Nëntor, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftim:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 218 lekë/litri, ndërsa i shitjes me shumicë jo më shumë se 206 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 200 lekë/litri, ndërsa i shitjes me shumicë jo më shumë se 188 lekë/litër.

Çmimi i shitjes me pakicë i nënproduktit gaz, të jetë 71 lekë/litri me pakicë dhe i shitjes me shumicë 59 lekë/litër për automjetet.

Çmimi i gazoilit për peshkim është vendosur 121 lekë/litër.

Çmimet e caktuara nga Bordi do të hynë në fuqi në datë 18 Nëntor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.