Bordi i Transparencës ul çmimet e karburantit

Bordi i Transparencës sot vjen me çmime të reja për naftën dhe benzinën duke e ulur madje për herë parë nën 200 lekë që nga muaji mars, por çmimi ka mbetur 17 lekë më shtrenjtë se në janar, kur ishte në të njëjtat nivele në bursa dhe dollari ka zbritur në rreth 111 lekë, si në muajin janar.

Kështu me vendimin e Bordit, nafta do të tregtohet për 198 lekë nga 206 lekë për litër sa ishte, ndërsa benzina me 180 lekë nga 184 lekë për litër sa ishte.

Ndërkohë gazi do të tregtohet me 69 lekë nga 71 lekë për litër sa ishte.

Ndryshe, çmimet e caktuara nga Bordi hynë në fuqi sot në datë 7 Dhjetor, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftim:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 198 lekë/litri, ndërsa i shitjes me shumicë jo më shumë se 186 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 180 lekë/litri, ndërsa i shitjes me shumicë jo më shumë se 168 lekë/litër.

Çmimi i shitjes me pakicë i nënproduktit gaz, të jetë 69 lekë/litri me pakicë dhe i shitjes me shumicë 57 lekë/litër për automjetet.

Çmimi i gazoilit për peshkim është vendosur 104 lekë/litër.

Çmimet e caktuara nga Bordi do të hynë në fuqi në datë 07 Dhjetor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.