Bordi i Transparencës vjen me çmime të reja për karburantet

Bordi i Transparencës sot vjen me uljen e çmimit të naftës dhe benzinës, të cilat 48 orë më parë u rritën në mënyrë abuzive.

Kështu, Bordi ka vendosur që çmimi i naftës të ulet për 6 lekë dhe do të tregtohet me 223 lekë nga 229 lekë për litër sa ishte ndërsa çmimi i benzinës do të ulet për 5 lekë dhe do të tregtohet me 198 lekë nga 203 lekë për litër sa ishte me vendiminm e fundit të datës 29 Shtator.

Edhe me vendimin e sotëm çmimi i gazit mbetet i pandryshuar, 78 lekë për litër.

Ndryshe, vendimet e Bordit të Transparencës kanë hyrë në fuqi nga ora 18:00 e datës 1 Tetor 2022, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Njoftim:

-Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 223 lekë/litri, ndërsa i shitjes me shumicë jo më shumë se 211 lekë/litër.

-Çmimi i shitjes me pakicë i nënproduktit benzinë e standardit SSH EN të jetë jo më shumë se 198 lekë/litri,ndërsa i shitjes me shumicë jo më shumë se 186 lekë/litër.

-Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.

Çmimet e caktuara nga Bordi do të hynë në fuqi sot datë 1 Tetor ora 18:00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.