Bordi i Transparencës vjen me çmime të reja, shtrenjtohet nafta dhe gazi

Me pretekstin e lëvizjes së çmimeve në bursë, sot Bordi i Transparencës ka marrë vendim që të rris çmimin e naftës nga 216 lekë në 223 lekë për litër, ndërsa gazit nga 77 lekë në 78 lekë për litër.

Ndërkohë çmimi i benzinës ka mbetur i pandryshuar, 194 lekë për litër.

Ndryshe, vendimet e Bordit të Transparencës do të hynë në fuqi sot datë 24 shtator 2022, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Njoftim:

Çmimi i shitjes me pakicë i nënproduktit gasoil i standardit SSH EN 590 të  jetë jo më shumë se 223 lekë/litri, ndërsa i shitjes me shumicë jo më shumë se 211 lekë/litër.

Çmimi i shitjes me pakicë i nënproduktit benzinë e standardit SSH EN  të  jetë jo më shumë se 194 lekë/litri,ndërsa i shitjes me shumicë jo më shumë se 182 lekë/litër.

Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.

Çmimet e caktuara nga Bordi do të hynë në fuqi sot datë 24 shtator ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.