Bordi kuron imazhin e Edi Ramës, ul çmimin e benzinës me 1 lekë

Një ditë pasi rriti çmimet e karburanteve, pa kaluar as 24 orë, Bordi i Transparencës u kujdes për kurimin e imazhit të Kryeministrit Edi Rama i cili përveç “Skandalit McGonigal” tashmë u ngarkua edhe me çmimet e rritura të karburanteve, ku veçohet çmimi i benzinës i cili u ul me plot 1 lekë.

Kështu, sipas vendimit më të ri të Bordit, një litër naftë do të tregtohet me 206 lekë për litër, nga 210 lekë sa u përcaktua dje.

Benzina do të tregtohet me 191 lekë për litër nga 192 lekë që është sot ndërsa çmimi i gazit nuk ka pësuar ndryshim dhe do të tregtohet me 69 lekë për litër.

Ndryshe, çmimet e caktuara nga Bordi hynë në fuqi sot në datë 25 Janar, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftim:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 206 lekë/litri, ndërsa i shitjes me shumicë jo më shumë se 194 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 191 lekë/litri, ndërsa i shitjes me shumicë jo më shumë se 179 lekë/litër.

Çmimi i shitjes me pakicë i nënproduktit gaz, të jetë 69 lekë/litri me pakicë dhe i shitjes me shumicë 57 lekë/litër për automjetet.

Çmimi i gazoilit për peshkim është vendosur 113 lekë/litër.

Çmimet e caktuara nga Bordi do të hynë në fuqi në datë 26 Janar, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.