Bordi zgjohet nga gjumi dhe tallet me shqiptarët, ul çmimin e naftës për 2 lekë

Bordi i Transparencës më në fund u zgjua nga gjumi deri sa në bursën ndërkombëtare çmimi i naftës vazhdon të bie. Por, kot që u zgjua sepse çmimin e naftës e uli me vetëm 2 lekë ndonëse në bursë bareli është nën 100 dollarë, tani me vendimin e Bordit ai do të tregtohet me 238 lekë për litër nga 240 lekë për litër sa ishte.

Ndërsa çmimi i benzinës u ul për 3 lekë dhe do të tregtohet me 218 lekë nga 221 lekë për litër sa ishte.

Ndërkohë çmimi i gazit ngelet i pandryshuar, 81 lekë për litër.

Çmimet e caktuara nga Bordi i Transparencës do të hynë në fuqi sot datë 15 Korrik ora 18.00 p.m dhe do të jenë të vlefshme deri në mbledhjen e ardhshme të Bordit.

Njoftim

Bordi i Transparencës në datë 15 Korrik 2022, në mbledhjen e radhës vendosi:

– Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 238 lekë/litri, ndërsa i shitjes me shumicë jo më shumë se 226 lekë/litër.

– Çmimi i shitjes me pakicë i nënproduktit benzinë e standardit SSH EN të jetë jo më shumë se 218 lekë/litri,ndërsa i shitjes me shumicë jo më shumë se 206 lekë/litër.

-Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.

Çmimet e caktuara nga Bordi do të hynë në fuqi sot datë 15 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.