Borë dhe ftohtë, ja situata në akset më problematike sot

Pas një nate me reshje bore dhe të ftohtë, Autoriteti Rrugor Shqiptar njofton se të gjitha akset nacionale janë të hapura për qarkullimin e mjeteve dhe nën monitorimin e mbikëqyrësve të kontratave.

                                                  Ja situata nëpër akset më problematike:

Segmenti rrugor Qafë Thanë­ – Pogradec dhe Pogradec­ – Qafë Plloçë, si edhe Qafë Plloçë ­- Korçë është i hapur për kalimin e mjeteve;

Segmenti rrugor Fushë Arrës – Qafë Mali-Kukës ka pasur reshje bore gjatë natës dhe kjo zonë është kaluar me borëpastruese duke hedhur dhe kripë.

Segmenti rrugor Pukë – ­Fushë Arrës – ­Kukës ka reshje sporadike bore (të dobëta). Mjetet e pastrimit të dëborës janë në punë dhe një pjesë në gatishmëri.

Segmenti rrugor Korçë – Dardhë dhe Korçë – Voskopojë ka pasur reshje bore gjatë gjithë natës. Kontraktori ka bërë pastrimin në këtë aks deri në orët e vona të natës, për pastrimin e plotë dhe shpërndarjen me kripë.

Në Qafën e Qarrit dhe në Kapshticë ka pasur reshje bore që janë pastruar.

Në akset e tjera rrugore nuk ka probleme.

“Autoriteti Rrugor Shqiptar dhe Policia Rrugore i bëjnë thirrje përdoruesve të mjeteve rrugore që të respektohen rregullat e qarkullimit rrugor, sinjalistika dhe të kenë shumë kujdes në orët e para
të mëngjesit dhe gjatë natës,”­ thkeson sot në njoftim Autoriteti Rrugor Shqiptar.