Boris Johnson mban fjalimin e parë si kryeministër

Boris Johnson ka mbajtur fjalimin e tij të parë si kryeministër i Britanisë.

Për largimin e Britanisë nga Bashkimi Evropian më 31 tetor, qëndrim ky i shumëpritur nga goja e Kryeministrit të ri, Johnson duke e konfirmuar largimin në këtë datë tha se qeveria e tij do të kthejë besimin në demokraci, raporton RFE.

“Njerëzit që sfidojnë Britaninë do të humbasin bastin sepse ne do të rikthejmë besimin në demokraci dhe ne do të përmbushim premtimet e parlamentit ndaj popullit si dhe do të largohemi nga BE-ja më 31 tetor”.

Sa i përket përgjegjësisë për të përfunduar procesin e Brexit-it, ai ka thënë se “sot do të ndërtojë një ekip fantastik të burrave dhe grave, për të parë ndryshimin” që dëshiron të shohë.

Kryeministri Johnson tha se dëshiron të hartojë një marrëveshje të re me BE-në sa i përket largimit të Britanisë nga blloku evropian.

Vendimi për Brexit ka ardhur pasi 52 për qind e votuesve kanë votuar për dalje të Britanisë nga BE-ja kundruall 48 për qind që kanë kundërshtuar atë, në referendumin e mbajtur më 2016.

Johnson ka falënderuar Ish-Kryeminitren britanike, Theresa May për shërbimin publik dhe durimin, gjatë udhëheqësisë së saj.

Para se të mbante fjalim para zyrës së kryeministrisë, Johnson është takuar me Mbretëreshëm Elizabetë, e cila i ka kërkuar atij që të formojë administratën e re.