Borrell të enjten me Kurtin, më 11 Maj vazhdon dialogu Kosovë-Serbi

Kryeministri i Kosovës Albin Kurti, do të takohet të enjten në Bruksel me Përfaqësuesin për Politikë të Jashtme dhe Siguri pranë BE, Josep Borrell, i cili ka paraljmëruar se do të ketë një raund të radhës të dialogut Kosovë – Serbi më 11 maj.

“Kemi folur për dialogun. Kam thënë dhe e kam vlerësuar përkushtimin e presidentit Vuçiç ndaj dialogut dhe e inkurajoj të vazhdojë me këtë qasje drejt arritjes së një marrëveshje gjithpërfshirëse ligjërisht të obligueshme për palët. Duhet të vazhdojë procesi, përkundër vështirësive,” tha Borrel Pas takimit me Presidentin duke paralajmëruar takimin me Albin Kurtin:

“Do të kemi një takim me kryeministrin e ri të Kosovës, nuk është në fakt i ri, pasi ishte kryeministër kur filluam. Shpresoj të kemi një rund të radhës të dialogut në datën e paraparë 11 maj. Nuk kam asgjë për të ofruar, vetëm dua të shpjegojë sa i rëndësishëm është të vazhdohet ky dialog. Pasi është mënyra e vetme për të arritur drejt një zgjidhje dhe marrëveshje gjithpërfshirëse e ligjërisht të obligueshme. Vetëm rruga evropiane duhet të jetë stimulim i fuqishëm për të pasur sukses ky dialog.”