Borshi pa drita, energjia elektrike mungon që nga mbrëmjen e djeshme

Ndonëse jemi në kulmin e sezonit turistik dhe qeveria nuk pushon duke bërë thirrje në zbatimin e ligjit, ajo vetë as nuk angazhohet në zhvillimin e turizmit dhe as në ligjshmëri.

Të mungojë energjia elektrike në bregdetin shqiptar në muajin shtator edhe nuk është ndonjë çudi, por, kur ajo mungon në kulmin e sezonit turistik në zonën e Borshit, që nga mbrëmja e kaluar kjo nuk është normale edhe për shtetin që qeveriset nga Edi Rama.

Pushuesit raportojnë se dritat kanë ikur që mbrëmë në orën 22:00, teksa kanë ardhur herë pas here me shkëputje.

Autoritetet bëjnë me dije se shkak është bërë rënia e përforcuesit dhe ngarkesa në Qeparo.