Borxhi Publik, PD: Çdo shqiptar paguan 4.492 euro borxh nga xhepi i tij

Borxhi për frymë që shqiptarët do të paguajnë pas 7 viteve keqpërdorim të parave të taksave dhe borxhit të rritur është 4.492 euro/frymë, thekson Partia Demokratike duke reaguar përmes Ish-Deputetes Jorida Tabaku se me një borxh që është rritur me 1.800 Euro për çdo shqiptar (mbi 30%) që nga shtatori 2013 kur morri pushtetin, qeveria i ka çuar paratë e taksave dhe ato hua për sheshe në qytete dhe PPP.

“Në kulmin e krizës ekonomike dhe pandemisë ekonomike, Rama vazhdoi të furnizonte dhe kanalizonte paratë publike tek oligarkët dhe PPP-të. Iu dha shqiptarëve më pak parà se sa kishte premtuar, i gënjeu duke u justifikuar se nuk kishte fonde, e vërteta qe ndryshe,” thekson Jorida Tabaku në reagimin e saj përmes rrjetit social Facebook duke saktësuar se një shqiptar që paguante 2.379 euro 7 vjet më parë nga sot do të paguajë 4.492 euro borxh ndërsa përfundon:

“Ditë më të mira do të vijnë për shqiptarët, për të punësuarit dhe të rinjtë. Shqipëria meriton më shumë dhe shqiptarët do të mbërrijnë të fitojnë lirinë nga kjo oligarki që sot i qeveris.”