Borxhi publik u rrit 3.25 mld euro, Basha: Nëse nuk e ndalim Edi Ramën sot…

Duke kujtuar vitin 2013 kur Edi Rama premtonte uljen e borxhit publik, sot Kryetari i PD, Lulzim Basha, konstaton se ai e rriti këtë borxhme 3.25 miliardë euro dhe nëse nuk e ndalim sot, fëmijët tanë do punojnë gjithë jetën e tyre për të shlyer borxhet e kësaj qeverie.

“Ju kujtohet kur Edi Rama premtoi uljen e borxhit publik: Vazhdojmë me angazhimin tjetër për borxhin. Deficiti dhe borxhi publik nën kontroll. Krejt e kundërta ndodhi,” kujton Lulzim Basha përmes një reagimi në rrjetin social Facebook premtimet e Edi Ramës shoqëruar me video-dëshmi, por ndodhi e kundërta:

“Prej vitit 2013 borxhi u rrit me 3.25 miliardë euro. Shqipëria ka dështuar! Sot Shqipëria është më e varfër. Nëse këtë nuk e ndalim sot, fëmijët e nipërit tanë do punojnë gjithë jetën e tyre për të shlyer borxhet që merr kjo qeveri.”

Kryeministri Edi Rama kujdeset vetëm për veten. Është koha për ndryshim dhe shpresë për Shqipërinë dhe shqiptarët, thekson Kryetari i Partisë Demokratike, Lulzim Basha duke përfunduar:

“Ne kemi një plan konkret. Ne do t’i kthejmë Shqipërisë shpresën!”