Bota e shqetësuar për luftën Rusi-Ukrainë, Vuçiç: Kroacia, xheloze në hekurudhën tonë!

Nuk është çmendur vetëm Putini dhe Lavrovi në këtë botë! Deri sa e gjithë pret me ankth lëvizjen e kësaj dyshe të çmendur, asaj i bashkohet një i çmendur nga skaji tjetër i botës, dhe për fat nuk flet për luftën si zakonisht! Po, ky është Presidenti i Serbisë, Aleksandar Vuçiç, i cili nuk pranon të dënoj sulmin rus mbi Ukrainën, dhe sot kur sanksionet i vuri shtetit të Putinit edhe Mali i ZI, Vuçiç i vetmuar ka merakun e xhelozisë kroate ndaj sukseseve serbe.

“Serbia i bashkohet çdo votimi sa i përket shkeljes së integritetit territorial të Ukrainës, por nuk do ti bashkohet vendosjes së sanskioneve kundër Rusisë, dhe kështu do të jetë deri sa të mund të rezistojmë,” tha Presidenti i Serbisë në një dalje publike dhe sërish ju kthye xhelozisë, që sipas tij ka Kroacia ndaj sukseseve të Serbisë; Dhe, sot kur e gjithë bota i ka sytë nga Ukraina, ai është bindur se Kroacia po vëzhgon Serbinë se si po e ndërton hekurudhën.

Me rastin e vlerësimit të Andrej Plenkoviçit se në Zagreb me shumë vëmendje po përcjellen zhvillimet tek fqinjët dhe në Evropën Juglindore, Vuçiç tha se në kontekst të këtij interesimi, duhej ta kishte ftuar Kryeministrin e Kroacisë në përurimin e fillimit të punimeve në autostradë.

“Jam i sigurt se është i lumtur për këtë sukses. Kemi edhe shumë suksese tjera, në veçanti jam i sigurt se do të vëzhgoj hekurudhën tonë të shpejtë prej 200 kilometrave në orë sepse ata nuk kanë as hekurudhë dhe as tren me këtë lloj shpejtësie,” tha Aleksandar Vuçiç i lumtur që Serbia ka diçka që nuk ka Kroacia!

E lehtë është të ndërtosh një hekurudhë të këtij lloji, aq më lehtë kur e ndërton me paratë e BE-së, po si do ja bëjë miku i Edi Ramës me mendët e kokës që nuk i blen dot sikur edhe ti jap Bashkimi Evropian fondet. Apo pak rëndësi ka nëse e kokën bosh ose jo, kur drejton një popull si serbët!