Bota me senzibilim kundër koronavirusit, Edi Rama kërcënon: Kush nuk zbaton masat, do ta paguajë shtrenjtë!

Derisa bota është në kërkim të ilaçit për koronavirus dhe po investon në sensibilzimin e masave paradaluese, Kryeministri Edi Rama kërcënon duke paralajmëruar se do ta paguajnë shtrenjtë, të gjithë ata që nuk do të zbatojnë masat shtrënguese të qeverisë, për shkak të përhapjes së koronavirusit.

Në komunikimin e radhës Edi Rama përsëriti se ilaçi kryesor i parandalimit të përhapjes së këtij virusi vdekjeprurës është kufizimi deri në ekstrem i lirisë së lëvizjes dhe distancimi deri në absurd nga njëri-tjetri.

“Kush lëshohet e dorëzohet, e paguan nesër aq shtrenjtë, sa nuk do të donte as ta imagjinonte sot. Ju kërkoj të bëni durim, si kurrë më parë dhe të dëgjoni lutjen time. Të bombarduar me lajme e rrëfime të ndryshme, ju keni të drejtë të ankoheni, të mendni se e dini më mirë këtë apo atë, keni të drejtë të mërziteni, të acaroheni, edhe të më shani amdje, apo ofendoni mua, por askush nuk ka të drejtë të vërë në diskutim kufizimet skandaloze që po iu imponohen të gjithëve dhe të shkel ligjin special.”

Edi Rama me gjuhën nga Kulla e Surrelit ndonëse kishte kuruar sot imazhin, e bëri të qartë se kjo nuk do të jetë një luftë e shkurtër dhe nuk ka lidhje me një lojë kukafshehti.

“Askush nuk e di sa do të zgjasë kjo luftë me armikun e padukshëm, që po mbyll në shtëpi popujt e të gjithëve. I vetmi ilaç për të lehtësuar plagët e mëdha dhe ulur numrin e viktimave të këtij virusi ëdhtë kufizimi drastik i lirisë sonë të lëvizjes dhe distancimmi deri në absurd nga njëri-tjetri. Sfida e tmerrshme për vendimmarrësit është të shohin jo vetëm si të mbyllin rrugët e komunikimit, por të garantojnë që paslufta të mos jetë një tatëpjetë pa rrugëdalje për ekonomninë. Do të varesha nga këmbët në sheshin Skënderbej për mos mbylljen e veprimtarive prodhuese,” tha Kryeministri Rama.

Këtë javë do të kemi planin e garancisë financiare!

Me këtë rast Kryeministri Edi Rama premtoi se këtë javë qeveria do të ketë planin e garancisë financiare sa i përket krizës humanitare me koronavirusin.

Çdo familje shqiptare duhet të riorganizojnë ekonominë, tha Rama, pasi nuk mund të rrinë në shtëpi dhe të harxhojnë sikur janë me pushime kur shumë të tjerë rrezikojnë të mbeten pa gjë.

”Vendimi për mosmbylljen e aktiviteteve prodhuese nuk do të thotë sakrifikim i shëndetit. Ne ishim të parët që mbyllëm shkollat, kemi qenë të parët në rreshtin e parë. Asnjë vend dhe asnjë fantazi nuk e ka përfshirë pjesën kritike të zinxhirit ekonomik në kuadrin e masave. Tani që flasim Italia nuk i ka marrë, as Izraeli që I dënon me burg, as Franca që nga nesër shkon në shtetrrethim.

Jemi vendi i parë që në rang Republike bllokuam transportin publik.

Kur Kina mbylli Wuhanin hapi faabrika fason për prodhimin e maskave. Asnjë vend nuk është gjetur I përgatitur për respiratorë dhe maska. Kudo është shpërndarë stok I iquajtur I skaduar.

Vendet kanë mbyllur qy sh herët ekpsortin e pajisjeve mjekësore. Maasat mbrojtëse në mjedis pune në zinxhirin kryesor ekonomik funksionojnë, i kemi  kërkuar kompanive vazhdimisht të marrin masat.

Kemi përcaktuar masat ndëshkuese për kompanitë dhe kemi në terren grupet e inspektimit . Idealja do ishte që e nesërmja të garantohej nga zoti dhe asnjë frymë e shenjtë mos dilte nga dera e shtëpisë por Zoti na ka dhënë fuqinë e mendjes dhe të shpitit që nëse e përdorim mund të bëjmë mrekullira. Punët e tjera na i kanë lënë ne.

Kjo është luftë dhe luftë jemi një, por s’jemi njësoj. Kur të mbarojë lufta mos na zerë brenda në shtëpinë e përbashkët. Të gjithë duhet të japim diçka nga vetja.  Duhet të ulim shpenzimet familjare, përkohësisht pasi s’mund të rrimë meqenëse jemi të detyruar të të rrimë mbyllur në shtëpi si në pushime ndëkohë që shumëkujt i duhemi gjetur pranë që të sigurohet se nuk do të ngelet pa gjë,” tha Rama.

Kush ka për të marrë rrogën në fund të muajit…

Kryeministri Edi Rama duke folur për planin e garancisë financiare tha se sipërmarrjet që janë mbyllur dhe kanë lënë në këtë situatë të koronavirusit  të punësuarit pa punë, rrogat do të shlyen nga shteti.

Dhe, me këtë rast bëri atë që din më së miri, propagandë. Edi Rama tha se qeveria nuk do ja lërë në dorë sipërmarrjeve private pagimin e rrogave për të punësuarit e tyre pasi zgjedhësit e kanë zgjedhur atë në fletën e votimit për mandatin e solidaritetit apo për të mbajtur barrën më të rëndë në familje.

”Padiskutim nuk do të thotë që ata që kanë për të marrë një rrogë në fund të muajit në ato hallkat e ekonomsisë që janë këputur ne do I lëmë në dorë të pronarëve të sipërmarrësve privatë. Në asnjë mënyrë, sipërmarrjes nuk mund t’i delegohet mandati i solidaritetit që zgjedhësit ja kanë dhënë qeverisë që unë drejtoj. Dhe më kanë besuar mua kryqin kur e kanë vendosur në krah të fletës së votimit.

Nuk është asgjë tjetër por privilegji për të mbajtur barrën më të rëndë në familje, për ata që kanë votuar apo s’kanë votuar pa dallim. Pagat e të gjithët atyre që iu përgjigjën thirrjes për luftë për t’u futur në llogoren e shtëpisë,” tha Kryeministri Edi Rama pa sqaruar se cili do të jetë fati i më shumë se gjysmës së shqiptarëve që nuk i dha votën.