Braçe kot ankohej për Berishën, kështu e përbuzë Edi Rama: Nuk u bë deti kos!

Deputeti i Partisë Socialiste dhe aktualisht edhe kryetari i Komisionit të Ekonomisë, Erion Braçe gjithmonë aktiv në debatin për buxhetin, sot i është nënshtuar një përbuzje të paparë si nga Ministri i Financave, Arben Ahmetaj ashtu edhe kryeministri Edi Rama, përkundër faktit se i takojnë të njëjtës parti. Madje trajtim të këtij lloji nuk ka kaluar deputeti Braçe me asnjë nga propozimet e tij as në kohën e Sali Berishës kundër së cilës bëri aq shumë propagandë.

Erion Braçe solli edhe në seancë plenare propozimin për taksim zero për ata që kanë page mujore deri në 40 mijë lekë. Ministri Financave i dha një përgjigje shumë më banale se homologut të tij kosovar për mallërat serbe, ndërkohë kryeministri e banalizoi fare, duke i thënë se e kupton që mund të vijmë te kërkesa që kush lexon buxheti i shtetit ti japë lekë, por nuk jemi këtu.

“Po kjo nuk do të thotë që u bë deti kos, nuk jemi armiqtë e atyre që kanë më shumë,” tha Edi Rama tashmë është me më shumë lekë dhe mesazhin e për deputetët prezent duke e lënë Braçen e vetmuar me 1 votë, 63 ishin kundër dhe 12 abstenuan.

Kërkesa e Braçes, kumbullat e Ahmetajt dhe kosi i Ramës

Pas transformimeve që kanë pësuar të ardhurat e individëve dhe kompanive, kryetari i Komisionit të Ekonomisë mendon se ka ardhur koha që tatimi mbi të ardhurat të ndryshoj dhe të rishikohet ligji:

“Ky vend ka nevojë të mbrojë një fashë të ardhurash të domosdoshme për çdo familje. Duhet të mbrojmë të ardhurat minimale, ndodh në çdo vend të Evropës kjo, duhet ta bëjmë dhe ka arsye, se norma e rritjes së të ardhurave nga puna, më atë të të ardhurave nga kapitali nuk mund të barazohet menjëherë,” tha Braçe me idenë se duhet të shyrtohet ideja e integrimit të gjithë të ardhurave të një familje për ti deklaruar dhe për t’ia nënshtruar një tatimi progresiv në total.

Duhet të mbrojmë të ardhurat minimale, ndodh në çdo vend të Evropës kjo, tha deputeti socialist i bindur se kjo duhet bërë sepse norma e rritjes së të ardhurave nga puna, më atë të të ardhurave nga kapitali nuk mund të barazohet menjëherë.

“Nga shuma e pagave te deklaruara nga 20 mld lekë, paga deri 40 mije lekë të vjetra zënë vetëm 2.5 % të totalit si të ardhura nga puna, nga rroga, por të ardhurat mbi 4 miliardë, zënë 20% të gjithë rrogave. Nëse sot buxheti nuk ka mundësi se fatura e kësaj mase shkon 4.6 mld lekë, ta bëjmë këtë diskutim pjesë të proceseve mbi tre muajt që të kemi ligj që të godasë pabarazinë në vend.”

Po kujt i foli Erion Braçe! Në mungesë të opozitës dhe në prani të një grupi analfabet shumë më të afërt me krimin sa financat, ai së pari mori goditje nga shefi i financave të këtij vendi edhe pse me financat nuk ka lidhje ndonëse pë taksën e shesht flasin që nga ardhja në krye të Partisë Socialiste e Edi Ramës:

“Taksa e sheshtë u merrte shqiptarëve 10% nga paga dhe e çonte në buxhet dhe pastaj qeveria e shkuar e bënte rrush e kumbulla, janë 123 mld dollarë në vit që shkojnë në xhepat e qytetarëve dhe progresiviteti ka bërë këtë, 97 % të punësuarve kanë ulje taksash. Fasha nga 300-400 taksohet vetëm 1.89%, taksim simbolik në konceptim e mbajtjes në burim vetëm për të qenë brenda sistemit,” tha Ahmetaj pa e kuptuar se për çfarë flste Erion Braçe dhe vazhdoj me tatimin në fitim”

“Të ardhurat nga kapitali, ne kemi nga 0 deri në 5% tatim fitimin zero dhe deri në 14 e kemi 5%. sipërmarrja e vogël, kemi 91% të sipërmarrjes së vogël që paguan o zero o 5 % dhe vetëm 9% e sipërmarrjes në vend paguan 15% ndërkohë që bujqësinë e kemi përjashtuar komplet, sugjeroj rrëzimin e amendamentit.”

Sikur ky debat të përfundonte këtu me siguri se Braçe do të ishte njeriu më i lumtur në glob, por nga kumbullat e Ahmetaj erdhi kosi i Edi Ramës.

Taksën e shesht kryeministri  vazhdon ta konsideroj grabitje të mirëfilltë të atyre që fitonin më pak te taksimi i ndershëm, kush fiton më shumë paguan më shumë, tha Edi Rama edhe pse me ose pa tepsi këtë nuk e realizoi as për pesë vjet, por gjithë barrën fiskale e përqëndroi tek ata që paguajnë me ose pa qeveri. Dhe, ashtu si me opozitën e Lulzim Bashës, filloi fantashkencën shumë larg realitetin duke qenë se ky është shefi i asaj shumice që ka taksuar më fort ata që fitojnë më shumë.

“Kur të më tregoni një vend në rajon që e takson zero biznesin e vogël me xhiro deri në 140 mijë dollarë, deri në 5% atëherë hajde dhe e bisedojmë. Pagat 400 taksoheshin 10%, sot paguhen vetëm 1.89% që është një taksim në raport me ata që janë 300 e poshtë qe nuk paguajnë asgjë.”

Meqë Edi Rama nuk e konsideron bisedë kur flet me Erion Braçen i dha përgjigje bylmetore edhe propozimit ekonomik që bëri kryetari i Komisionit Ekonomisë në këtë situatë të vështirë me rëndesë gjithnjë e më të madhe sociale:

“Unë e kuptoj që mund të vijmë te kërkesa që kush lexon buxheti i shtetit ti japë lekë, por nuk jemi këtu. Po kjo nuk do të thotë që u bë deti kos, nuk jemi armiqtë e atyre që kanë më shumë.”