Braktis LSI-në, Nasip Naço i bashkohet Partisë Socialiste: Shqipëria s’ka nevojë për eksperimente politike

Tashmë kur ka filluar numërimi për ditët e mbetura deri në ditën e gjykimit të Edi Ramës dhe shpurrës së tij, 25 Prill, ish-deputeti i LSI-së, Nasip Naço, ka braktisur partinë e Ilir Metës për t’ju bashkuar Partisë Socialiste. Rikthimin në partinë mëmë e bëri të ditur vetë Nasip Naço nga Berati, ku merrte pjesë në ceremoninë e hedhjes së kryqit ndërsa theksoi se Shqipëria nuk kanë më nevojë për eksperimente politike, por për të ecur përpara.

“Sot është në ditë e bekuar sepse jam edhe në krah të mikut tim Blendi Klosi. Unë do të shprehja sot edhe qëndrimin tim që do të vazhdoj të jem në krah të të majtës progresive, e cila i ka dhënë tonin Shqipërisë në tërë këto vite. Berati dhe Shqipëria nuk kanë më nevojë për eksperimente politike, kanë nevojë për ecur përpara,” tha Nasip Naço duke shtuar se si pjesë e kabinetit qeveritar nga LSI ka dhënë kontribut modest por përkushtimi ishte i madh për të ecur përpara, si në Reformën në Drejtësi ashtu dhe në reformat e tjera.