Bratislavë, sonte Slovaki-Kosovë

Përfaqësuesja e Kosovës në futboll, sonte luan njërën ndër ndeshjet më të rëndësishme në historinë e tyre.

Dardanët do të përballen me Slovakinë në Bratislavë në gjysmëfinalen e pley-off-it për Kupën e Botës 2026, ndeshje e cila fillon në orën 20:45.

Trajneri i Kosovës, Franco Foda në konferencën e fundit para duelit me Slovakinë, tha se skuadra e tij është e përgatitur mirë dhe se në përballje me sllovakët hynë për fitore.

Franco Foda thotë se Kosova ka treguar se dinë të fitojë edhe si mysafirë.

“Kemi bërë stërvitje të mirë në ditët e fundit, jemi përqendruar në anën taktike,” tha Foda duke shtuar:

“Tashmë po shikojmë për ndeshjen e nesërme dhe synojmë fitore ashtu siç kemi bërë ndaj Islandës, Suedisë dhe Slovenisë si mysafirë.”

Ndërsa djemtë e Kosovës nën drejtimin e Franco Fodës, deklaruan se në duel me sllovakët hyjnë të përgatitur dhe të motivuar maksimalisht për fitore në mënyrë që të bëjnë edhe një hap të madh drejt Botërorit 2026.