Britania për dy muaj pa masa Anticovid, paralajmërimet e shkencëtarëve nuk u realizuan

Britania nga mesi i muajit korrik ka hequr gati të gjitha masat epidemiologjike, dhe tani në fuqi janë vetëm ato që kanë të bëjnë me vetëizolimin e të infektuarëve dhe kontakteve të tyre.

Palestrat dhe stadiumet u hapën me kapacitet të plotë, diskotekat rifilluan punën, banaqet në pune janë funskionale dhe më nuk ka kufizime për mbledhjen e njerëzve.

As mbajtja e maskës nuk është më e detyrueshme por rekomandohet në transportin publik dhe dyqane, dhe më nuk bëhet thirrje për punë nga shtëpia.

Për shkak të këtij vendimi pritej një rritje e menjëhershme e numrit të infektuarëve.

Pas hapjes, bie numri i të infektuarëve  

Kulmi i valës së fundit në Britani ka ndodhur më 17 korrik kur ishin 50 mijë raste të reja. Më pas ky numër filloi ti bie dhe për gjatë gjithë gushtit ishte nga 20-30 mijë.

Situatë e ngjashme vazhdoi në shtator. Numri më i ulët që nga hapja ishte më 14 shtator, kur u shënuan 19.300 raste të reja. Prej asaj dite numri filloi të rritet dhe të enjten ishte 28.108.

Të premten u publikua mesatare shtatëditore e rasteve të reja në Angli që ishte 24.561 deri sa në nivelvendi ishte 27.881.

1.200 shkencëtarë paralajmëruan se hapja është kërcënim për botën

Kur u paralajmërua heqja e masave, 1.200 shkencëtarë botërorë kanë firmosur një letër të hapur, e cila u publikua në fillim të muajit korrik në revistën prestigjioze mjekësore Lancet, ku kritikohej qeveria e Johnsonit për shkak të “eksperimentiti joetik” që zbaton, e që paraqet kërcënim për gjithë botën, pasi që qarkullimi i lirshëm i virusit siguron një tokë të sigurt për paraqitjen e varianteve rezistente në vaksinat që kemi.

“Për shkak të pozicionit të Anglisë në qarkullimin global cilido variant që bëhet dominant në Mbretërinë e Bashkuar, sipas të gjitha gjasave do të përhapet në pjesën tjetër të botës. Politika e Mbretërisë së Bashkuar nuk ndikon vetëm tek ne, ajo ndikon tek të gjithë,” thekson njëra nga firmëtaret, Drejtorja e departamentit të hulumtimeve pranë University College, Christina Pagel. 

Shkencëtarët britanik gjithashtu lëshuan alarmin. Modeli i Imperial College London parashikonte se heqja e të gjitha masave do të sjellë “valën e tretë të rëndësishme, ku do të rritet numri i hospitalizimeve, e me këtë edhe vdekjet nga koronavirusi”. Ata theksuan se vaksinat ekzistuese kundër koronavirusit janë efikase, por jo 100 për qind dhe disa do të infektohen pavarësisht nëse janë vaksinuar ose jo.

Parashikonin se numri i infektimeve do të shkoj mbi 100.000 njerëz.

Profesori i biologjisë në Universitetin Reading, Simon Clarke, ka sqaruar për CNN se “mbushja e spitaleve me njerëz që janë të sëmurë mjaftueshëm për hospitalizim, por jo edhe për repartin intensiv”, do ti bëjë presion të madh sistemit spitalor britanik.

Por, gjithsesi, përhapja e infeksionit siç ndodhi në dy valët e para tani më nuk pritet, kryesisht për shkak të numrit të qytetarëve të vaksinuar. Me dy doza, në Angli janë vaksinuar 67 për qind, derisa 73 për qind me një dozë. Në këtë përqindje janë përfshirë edhe fëmijët nën moshën 12 vjeç, për të cilët nuk është miratuar ende vaksina.

Përqindja e personave plotësisht të vaksinuar mbi 16 vjeç në Britaninë e Madhe është 89.6 për qind, deri vetë një dozë e kanë marrë 82.1 për qind.

Edhe pse numri i të vdekurëve për të tretën javë më radhë ishte mbi 100, nga opinioni publik nuk kishte ndonjë reagim, kjo ndoshta se dimrin e kaluar numri i vdekjeve ditore ishte mbi 500. Kjo mund të jetë dhe arsyeja kryesore pse qeveria britanike ka vazhduar me planin A: vaksinimin me dozën e tretë të qytetarëve mbi 50 vjeç, vaksinimin e fëmijëve prej 12-15 vjeç dhe thirrje qytetarëve për kujdes.

Ndryshe, Walesi dhe Irlanda e Veriut gjatë javës së kaluar kishin përqindje më të madhe të infektuarëve se sa Anglia. Sipas vlerësimeve, gjatë javës së kaluar ishte i infektuar çdo i 60 qytetar, deri sa në Angli çdo i 90 ishte i prekur me koronavirus.

Përqindjen më të madhe gjatë javës së kaluar ishte në Skoci, ku çdo i 45 ishte i prekur me koronavirus.