Bruksel, Ahmeti: Mogherini po punon për njohjen reciproke Kosovë-Serbi

Pas përfundimit te takimit në mes të delegacionit shtetëror të Kosovës dhe Përfaqësueses së lartë të BE-së, Federica Mogherini, në Bruksel, Shpend Ahmeti tha se delegacioni i Kosovës ka treguar qartë qëndrimet e Kosovës e që primare është njohja reciproke e të dy shteteve.

“Ne prezantuam qëndrimet e delegacionit shtetërorë të Kosovës. I bëmë të qartë qëndrimin e delegacionit e që kush i parë është njohja reciproke e të dy shteteve. Mogherini na siguroi se është duke u punuar në atë drejtim. Ideja është që në gjysmën e parë të këtij viti të ketë orar më të ngjeshur për të afruar qëndrimet tona,” tha bashkëdrejtuesi i Delegacionit të Kosovës, raporton RTK, duke shtuar:

“Për këtë, po koordinhohemi me shtetet anëtare të BE-së. Në këtë aspekt, ka patur komunikim edhe me Washingtonin e Moskën. Në takim është biseduar edhe çështja e taksës. Qëndrimi i Serbisë për heqjen e taksës është përmendur përsëri, por edhe ne i treguam qëndrimet tona në këtë çështje.”

Për këtë pjesë ka folur edhe Limaj.

“E bëmë të qartë që tashmë Kosova ka ekip, dhe jo individë. Ka ekip shtetëror. Ne e thamë edhe aty, duhet të hiqen arsyet pse ka ardhur taksa. Ka shumë kushte që Serbia duhet t’i plotësojë për ta tërhequr taksën. Kjo nuk është e njëanshme. Ne jemi në kushte të tilla që jetojmë me Serbinë. Ka qindra marrëveshje që Serbia nuk i ka respektuar. S’po flasim për këtë fushatën e egër kundër Kosovës. Edhe çështja e taksës në një marrëveshje gjithëpërfshirëse nuk do të ketë nevojë për taksë”, tha ai.